ରେଡ୍ ବେଳେ ବିଜେପିର ହିଂସା ରାଜନୀତି, ସିଇଓଙ୍କୁ ଭେଟି ତଡ଼ିପାର୍ କରିବାକୁ ଦାବି
ଭୁବନେଶ୍ୱର: ସରକାରୀ କାମରେ ବିଜେପି ନେତାଙ୍କ ବାଧା ସୃଷ୍ଟି ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଲା ବିଜେଡି ଟିମ୍ । ଗତକାଲି ସିଟି ଜିଏସଟି ଡିଭିଜନ ପକ୍ଷରୁ ରେଡ୍ ସମୟରେ ବିଜେପି ନେତା କାଳନ୍ଦୀ ସାମଲ, ଠାକୁର ରଞ୍ଜିତ ଦାସ, ପିଙ୍କି ପ୍ରଧାନ ଏବଂ ବିଧାୟିକା କୁସୁମ ଟେଟେ ଅଚାନକ ସେଠାରେ ପହଞ୍ଚି ପ୍ରତିରୋଧ କରିବା ସହ କୁସୁମ ଟେଟେ କାଗଜ ଛଡ଼ାଇ ଆଣି ଚିରି ଦେଇଥିଲେ ।
ରେଡ ଚାଲିଥିଲା ଲୋକଙ୍କ ସହ କି ସମ୍ପର୍କ ରହିଛି ବୋଲି ବିଜେଡି ପ୍ରଶ୍ନ କରିଛି । ଏହାସହ ଜିଏସଟି ବିଭାଗ ପକ୍ଷରୁ ଥାନାରେ ଅଭିଯୋଗ ହୋଇଛି । ନିର୍ବାଚନରେ ଏମାନେ ହିଂସା ଆଚରଣ କରୁଥିବାରୁ ପଦ୍ମପୁରରୁ ୪ ଜଣଙ୍କୁ ତଡ଼ିପାର କରିବା ସହ ସଂପୂର୍ଣ୍ଣ ବରଗଡ଼ ଜିଲ୍ଲାରୁ ବାହାର କରିବା ପାଇଁ ନିର୍ବାଚନ ଅଧିକାରୀଙ୍କ ନିକଟରେ ଦାବି କରିଛି ବିଜେଡି । ଏଥିସହ କୁସୁମ ଟେଟେଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି କରାଯାଇଛି ।
