ସମସ୍ତଙ୍କୁ ଆଶ୍ଚର୍ଯ୍ୟ କରୁଛି ହ୍ରାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନ ପାଇଁ ବିଜେପିର ପ୍ରଚାର

ହ୍ରାଇଦ୍ରାବାଦ: ହ୍ରାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନ ପାଇଁ ବିଜେପିର ପ୍ରଚାର ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଯାହାକୁ ନେଇ ଟାର୍ଗେଟ କରିଛନ୍ତି ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱେସି । ମ୍ୟୁନିସିପାଲ ନିର୍ବାଚନ ପାଇଁ ବିଜେପିର ଆଗ ଧାଡି ନେତା ମାନେ ଏବେ ହାଇଦ୍ରାବାଦରେ ଡେରା ପକାଇଛନ୍ତି ।

ଗତକାଲି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରଚାର କରିଥିବା ବେଳେ ଆଜି ଗୃହମନ୍ତ୍ରୀ ଅମିତ ଶାହା ପ୍ରଚାର କରିବେ । ଦଳର ରାଷ୍ଟ୍ରୀୟ ଅଧ୍ୟକ୍ଷ ମଧ୍ୟ କିଛି ଦିନ ତଳେ ହାଇଦ୍ରାବାଦ ଯାଇ ରୋଡ ଶୋ କରିଥିଲେ । ବିଜେପିର ଏଭଳି ପ୍ରଚାର ଦେଖି ଓୱେସି ଏହାକୁ ସମାଲୋଚନା କରିବା ସହ ମଜାକିଆ ଢଙ୍ଗରେ ହାଇଦ୍ରାବାଦ ପ୍ରଧାନମନ୍ତ୍ରୀଙ୍କୁ ଚୟନ କରିବାକୁ ଯାଉଛି ବୋଲି କହିଛନ୍ତି ।

ବିଜେପିର ସବୁ ନେତା ଆସିସାରିଥିବା ବେଳେ କେବଳ ଡୋନାଲ୍ଡ ଟ୍ରମ୍ପ ହାଇଦ୍ରାବାଦ ଆସିବାକୁ ବାକି ଅଛନ୍ତି । ଟ୍ରମ୍ପ ଆସି ପ୍ରଚାର କଲେ ବିଜେପି ପାଇଁ ଫଳପ୍ରଦ ହୋଇପାରେ ବୋଲି କହିଛନ୍ତି । ମୋଦି ଆମେରିକା ଯାଇ ଟ୍ରମ୍ପଙ୍କ ପାଇଁ ପ୍ରଚାର କରିଥିବା ବେଳେ ସେ ନିର୍ବାଚନରେ ପରାସ୍ତ ହୋଇଛନ୍ତି । ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନରେ ମଧ୍ୟ ସମାନ ସ୍ଥିତି ହେବ ଓୱେସି କହିଛନ୍ତି ।