ବନ୍ଦ ପାଳନ ନାଁରେ କଲେଜ ଛାତ୍ରୀଙ୍କୁ ଜୋର ଜବରଦସ୍ତ କରୁଛନ୍ତି ବିଜେପିର ମହିଳା କର୍ମୀ, ଦେଖନ୍ତୁ ଭିଡିଓ

ବାଲେଶ୍ୱର: ବାଲେଶ୍ୱର ଚାରୁକଳା ମହାବିଦ୍ୟାଳୟରେ ବିଜେପି କର୍ମୀଙ୍କ ଗୁଣ୍ଡାଗିରି । ବିଜେପି ତରଫରୁ ଗତକାଲି ୧୨ ଘଣ୍ଟିଆ ବାଲେଶ୍ୱର ବନ୍ଦ ଡାକରା ଦିଆଯାଇଥିଲା । ଏହି ସମୟରେ ବିଜେପିର ରାଜ୍ୟ କାର୍ଯ୍ୟକାରିଣୀ ସଦସ୍ୟା ଶୋଭନା ମହାନ୍ତିଙ୍କ ନେତୃତ୍ୱରେ କିଛି କର୍ମୀ ଚାରୁକଳା ମହାବିଦ୍ୟାଳୟର ଶ୍ରେଣୀଗୃହରେ ପଶି ହୋ-ହାଲ୍ଲା କରିଥିଲେ ।

ଏଥିସହ ପଢ଼ନ୍ତୁ: ଘେରାଉ ନାଁରେ ବିଜେପିର ଗୁଣ୍ଡାଗର୍ଦ୍ଦି, ଦଳର ୩୨ ନେତା ଓ କର୍ମୀଙ୍କ ବିରୋଧରେ ଏତଲା ରୁଜୁ

ଶ୍ରେଣୀଗୃହରେ ଥିବା ଚିତ୍ର ସବୁକୁ ଧରି ଏହା ସଂସ୍କୃତିକୁ ବିକୃତ କରୁଛି ବୋଲି କହି ଫିଙ୍ଗାଫିଙ୍ଗି କରିଥିଲେ । ଶ୍ରେଣୀରେ ଥିବା ଛାତ୍ରଛାତ୍ରୀମାନଙ୍କୁ ଅଶାଳୀନ ବ୍ୟବହାର ସହିତ ଅସଭ୍ୟ ଭାଷାରେ ଗାଳି ଗୁଲଜ କରିଥିବା ଅଭିଯୋଗ ହୋଇଛି । ବିଜେପି କର୍ମୀଙ୍କ ଏଭଳି କାଣ୍ଡ ସାମାଜିକ ଗଣମାଧ୍ୟମରେ ଭାଇରାଲ ହେବାପରେ ଘଟଣାକୁ ବିଭିନ୍ନ ମହଲରୁ ନିନ୍ଦା କରାଯାଇଛି ।