ପିପିଲିରେ ପଲଟିକାଲ ପାଲା, ବିଜେଡି କର୍ମୀଙ୍କୁ ବିଜେପି କର୍ମୀଙ୍କ ଆକ୍ରମଣ
ପିପିଲି: ନିର୍ବାଚନ ପୂର୍ବରୁ ରାଜ୍ୟରେ ରକ୍ତମୁଖା ହେଲାଣି ବିଜେପି । ପିପିଲିରେ ପ୍ରଚାର ସମୟରେ ବିଜେଡି କର୍ମୀଙ୍କୁ ବିଜେପି କର୍ମୀ ଆକ୍ରମଣ କରିଥିବା ଅଭିଯୋଗ ହୋଇଛି । 24 ନମ୍ବର ଜୋନରେ ବିଜେଡି ଜିଲ୍ଲା ପରିଷଦ ପ୍ରାର୍ଥୀ ଓ ତାଙ୍କ ସମର୍ଥକ ତେଇଶିପୁର ପୋଟଳରେ ପ୍ରଚାର କରୁଥିବାବେଳେ ବିଜେପି କର୍ମୀମାନେ ଆକ୍ରମଣ କରିଥିଲେ ।
ଏଥିରେ ବିଜେଡି ପ୍ରାର୍ଥୀ ଧରଣୀଧର ସାହୁ ଓ ତାଙ୍କ ସହଯୋଗୀ ଗୁରୁତର ହୋଇ କ୍ୟାପିଟାଲ୍ ହସପିଟାଲରେ ଭର୍ତ୍ତି ହୋଇଛନ୍ତି । ଆକ୍ରମଣରେ ଧରଣୀଙ୍କ ସହଯୋଗୀଙ୍କର ହାତ ଭାଙ୍ଗିଯାଇଛି । ପ୍ରତିବାଦରେ ପିପିଲି ତେଇଶିପୁର ଛକରେ ରାସ୍ତା ଅବରୋଧ କରିଛନ୍ତି ବିଜେଡି କର୍ମୀ । ତୁରନ୍ତ ଆକ୍ରମଣକାରୀଙ୍କୁ ଗିରଫ ପାଇଁ ଦାବି ହୋଇଛି ।
