ବିକାଶର ଯାଦୁ, ବିଜେଡି ମୁହାଁ ବିରୋଧୀ ନେତା

ଭୁବନେଶ୍ବର: ମୁଖ୍ୟମନ୍ତ୍ରୀଙ୍କ ବିକାଶର ଯାଦୁ ବିରୋଧୀଙ୍କୁ ବିଜେଡି ମୁହାଁ କରିଛି । ଦୀର୍ଘ ବର୍ଷ ଧରି ବିଜେପିରେ ଥିବା ମହିଳା ନେତ୍ରୀ ଆଜି ଶଙ୍ଖ ଧରିଛନ୍ତି । ଏକାମ୍ର ନିର୍ବାଚନ ମଣ୍ଡଳୀର ବିଜେପି ମହିଳା ମୋର୍ଚ୍ଚା ଉପସଭାନେତ୍ରୀ ଛବି ସ୍ବାଇଁଙ୍କ ସମେତ ବିଜେପିର ଶତାଧିକ କର୍ମୀ ବିଧିବଦ୍ଧ ଭାବେ ଶଙ୍ଖଭବନରେ ବିଜୁ ଜନତା ଦଳରେ ହେଲେ ସାମିଲ ।

ମନ୍ତ୍ରୀ ତଥା ଏକାମ୍ର ବିଧାୟକ ଅଶୋକ ଚନ୍ଦ୍ର ପଣ୍ଡା ସେମାନଙ୍କୁ ଦଳରେ ସାମିଲ କରିବା ସହିତ ବିଜେଡି ମୁଖପାତ୍ର ପ୍ରିୟବ୍ରତ ମାଝୀ ଅଭିନନ୍ଦନ ଜଣାଇଛନ୍ତି । ବିରୋଧୀ ଦଳରେ ଥାଇ ରାଜ୍ୟର ବିକାଶ କେମିତି ହେଉଛି ଜାଣି ହେଲାନି । ୨୨ ବର୍ଷ ଧରି ବିଜେପି ଦଳରେ ଥାଇ ଦଳ ତାଙ୍କୁ ଚିହ୍ନିଲାନି । ମୁଖ୍ୟମନ୍ତ୍ରୀଙ୍କ କଥା କମ୍‌ କାମ ବେଶୀ ଏବେ ସମସ୍ତଙ୍କ ଆଖି ଖୋଲି ଦେଇଛି । ଏଣିକି ଜୀବନର ଶେଷ ନିଃଶ୍ବାସ ଥିଲା ପର୍ଯ୍ୟନ୍ତ ବିଜେଡିରେ ରହିବେ ବୋଲି ଦଳରେ ସାମିଲ ପରେ କହିଛନ୍ତି ନେତା ଓ କର୍ମୀ ।