ରାଜ୍ୟସଭା ନିର୍ବାଚନ ପାଇଁ ଦିନେ ଦୁଇ ଦିନ ମଧ୍ୟରେ ପ୍ରାର୍ଥୀ ଘୋଷଣା: ମନମୋହନ

ଭୁବନେଶ୍ବର: ରାଜ୍ୟ ବିଜେପିର ରାଜ୍ୟସଭା ନିର୍ବାଚନ ପ୍ରସ୍ତୁତି । ରାଜ୍ୟ ବିଜେପି ସଭାପତି ମନମୋହନ ସାମଲ ଦେଲେ ସୂଚନା । କହିଲେ- ସଂସଦୀୟ ବୋର୍ଡ ଖୁବ ଶୀଘ୍ର ରାଜ୍ୟସଭା ପ୍ରାର୍ଥୀ ଘୋଷଣା କରିବେ । ଦିନେ ଦୁଇ ଦିନ ଭିତରେ ପ୍ରାର୍ଥୀଙ୍କ ନାମ ଘୋଷଣା ହେବ । ୨୧ ତାରିଖ ପୂର୍ବରୁ ବିଜେପି ପ୍ରାର୍ଥୀ ମନୋନୟନ ପତ୍ର ଦାଖଲ କରିବେ । ଚୂଡାନ୍ତ ନିଷ୍ପତ୍ତି ଜାଣିବା ପାଇଁ  ଅପେକ୍ଷା କରିବାକୁ ପଡିବ ।

ସେହିଭଳି ବିଜେପି ସାଙ୍ଗଠନିକ ନିର୍ବାଚନ ପର୍ବ ପାଇଁ ଦିଲ୍ଲୀରେ ଅସନ୍ତାକାଲି ବୈଠକ ବସିବାକୁ ଯାଉଛି । ନିର୍ବାଚନ ପୂର୍ବରୁ ପ୍ରାଥମିକ ସଦସ୍ୟ ଅଭିଯାନ ଚାଲିବ । ସେଥିପାଇଁ ଦିଲ୍ଲୀରେ ବସୁଥିବା ବୈଠକରେ ରାଜ୍ୟ ସଭାପତି ହିସାବରେ ଯୋଗ ଦେବେ ବୋଲି କହିଛନ୍ତି ମନମୋହନ ।