ଅରୁଣାଚଳରେ ବିଜେପି, ସିକ୍କିମରେ ଏସକେଏମ କ୍ଷମତା ଦଖଲ କରିବ

ବ୍ୟୁରୋ ରିପୋର୍ଟ: ଅରୁଣାଚଳ ପ୍ରଦେଶରେ ପୁଣି କ୍ଷମତା ଦଖଲ କରିବ ବିଜେପି। ସେପଟେ ସିକ୍କିମରେ ପୁଣି ସରକାର ଗଠନ କରିବେ ସିକ୍କିମ କ୍ରାନ୍ତିକାରୀ ମୋର୍ଚ୍ଚା ବା ଏସକେଏମ। ଅରୁଣାଚଳ ପ୍ରଦେଶର ୬୦ ଆସନ ମଧ୍ଯରୁ ବିଜେପି ୩୩ରୁ ଅଧିକ ଆସନରେ ଅଗ୍ରଣୀ ରହିଛି। ନ୍ଯାସନାଲ ପିପୁଲ୍ସ ପାର୍ଟି ବା ଏନପିଇପି ୬ ଆସନରେ ଆଗୁଆ ରହିଛି।

ଅରୁଣାଚଳ ପ୍ରଦେଶର ମୁଖ୍ଯମନ୍ତ୍ରୀ ଥିବା ପେମା ଖାଣ୍ଡୁ ତୃତୀୟ ଥର ଲାଗି ହେବେ ମୁଖ୍ଯମନ୍ତ୍ରୀ। ସେ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଥିଲେ। ୩୨ ଆସନ ବିଶିଷ୍ଟ ସିକ୍କିମରେ ସୁଇପ କରିଛି ସିକ୍କିମ କ୍ରାନ୍ତିକାରୀ ମୋର୍ଚ୍ଚା। ପଛରେ ପଡିଛି ସିକ୍କିମ ଡେମୋକ୍ରାଟିକ ଫ୍ରଣ୍ଟ। ଏସକେଏମ ନେତା ପ୍ରେମ ସିଂ ତାମଙ୍ଗ ପୁଣି ଥରେ ମୁଖ୍ଯମନ୍ତ୍ରୀ ହେବା ସ୍ପଷ୍ଟ ହୋଇଛି। ସିକ୍କିମରେ ମୁଖ୍ଯତଃ ଶାସକ ଏସକେଏମ ଓ ପୱନ କୁମାର ଚାମଲିଂଙ୍କ ଏସଡିଏଫ ମଧ୍ଯରେ ଲଢେଇ ହୋଇଥିଲା। ଗତ ଏପ୍ରିଲ ୧୯ରେ ଦୁଇ ରାଜ୍ଯରେ ଭୋଟ ହୋଇଥିଲା। ଅରୁଣାଚଳ ପ୍ରଦେଶରେ ୮୨.୯୫ ପ୍ରତିଶତ ଭୋଟ ହୋଇଥିବାବେଳେ ସିକ୍କିମରେ ହୋଇଥିଲା ୭୯.୮୮ ପ୍ରତିଶତ ଭୋଟ।