ନିର୍ବାଚନ ଆଚରଣବିଧି ଉଲ୍ଲଂଘନ କରିବାରେ ରେକର୍ଡ କରିବ ବିଜେପି

ଭୁବନେଶ୍ୱର : ୨୦୨୪ ନିର୍ବାଚନରେ ଭାରତୀୟ ନିର୍ବାଚନ ଆଚରଣବିଧି ଉଲ୍ଲଂଘନ କରିବାରେ ରେକର୍ଡ କରିବ ବିଜେପି । ବରଗଡ଼ ନିର୍ବାଚନ ମଣ୍ଡଳୀର ପ୍ରାର୍ଥୀ ଅଶ୍ଵିନୀ ଷଡ଼ଙ୍ଗୀ ବରଗଡ଼ ନିର୍ବାଚନ ମଣ୍ଡଳୀର ଗୋବିନ୍ଦପାଲି ଠାରେ ମହିଳା ମାନଙ୍କୁ ଶାଢ଼ି ବାଣ୍ଟିଥିଲେ । ପାଖାପାଖି ୨୦୦ ରୁ ଅଧିକ ଶାଢ଼ି ବାଣ୍ଟିଛନ୍ତି । ଏହି ସବୁ ଶାଢ଼ି ଗୁଡିକ ଛତିଶଗଡ଼ରୁ ଆଣି ବଣ୍ଟା ହୋଇଛି ବୋଲି ସୂଚନା ଦେଇଛନ୍ତି ବିଜେଡି । କେବଳ ଅଶ୍ଵିନୀ ଷଡ଼ଙ୍ଗୀ ନୁହନ୍ତି ଏହା ପୂର୍ବରୁ ପୁରୀ ସଂସଦୀୟ କ୍ଷେତ୍ରର ସଂସଦ ପ୍ରାର୍ଥୀ ସମ୍ବିଦ ପାତ୍ର ମଧ୍ୟ ଲୋକମାନଙ୍କୁ ଘଣ୍ଟା ବାଣ୍ଟିଥିଲେ । ଯାହାକୁ ନେଇ ସିଇଓଙ୍କ ନିକଟରେ ଫେରାଦ ହୋଇଛି ବିଜେଡି । ଯଦି ବିଜେପି ନିକଟରେ ସାହସ ଅଛି ତେବେ ଲୋକମାନଙ୍କୁ କିଛି ନଦେଇ ନିର୍ବାଚନ ଲଢ଼ିବା ଦେଖାଉ ବୋଲି କହିଛି ବିଜେଡି ।