ନୂଆଦିଲ୍ଲୀ : ଏବେ ଲୋକସଭା ନିର୍ବାଚନ ପାଇଁ ବିଭିନ୍ନ ପର୍ଯ୍ୟାୟରେ ଆରମ୍ଭ ହୋଇଯାଇଛି ମତଦାନ ଏବଂ ଜୁନ୍ ୪ରେ ଆସିବ ଫଳାଫଳ । କିନ୍ତୁ ଭୋଟ୍ ଦେବା ପୂର୍ବରୁ ହିଁ ଗୋଟିଏ ଆସନ ଜିତି ସାରିଲାଣି ଏକ ଦଳ । ସୁରଟ ଆସନରୁ ବିନା ଦ୍ୱିଧାରେ ସିଟ୍ ଜିତିଛି ବିଜେପି। କଂଗ୍ରେସ ପ୍ରାର୍ଥୀଙ୍କ ନାମାଙ୍କନ ବାତିଲ ହେବା ପରେ ଏବଂ ଅନ୍ୟ ସମସ୍ତ ପ୍ରାର୍ଥୀ ସେମାନଙ୍କ ନାମାଙ୍କନ ପ୍ରତ୍ୟାହାର କରିବା ପରେ ଗୁଜୁରାଟର ସୁରଟ ଲୋକସଭା ଆସନରୁ ଭାରତୀୟ ଜନତା ପାର୍ଟି ପ୍ରାର୍ଥୀ ମୁକେଶ ଦଲାଲ ନିର୍ବାଚିତ ହୋଇ ବିଜେତା ହୋଇ ଯାଇଛନ୍ତି।
ସୂଚନା ଅନୁଯାୟୀ ରବିବାର ଦିନ, ନିର୍ବାଚନ ଅଧିକାରୀ ସୁରଟ ଆସନରୁ କଂଗ୍ରେସ ପ୍ରାର୍ଥୀ ନୀଲେଶ କୁମ୍ବାନୀଙ୍କ ହସ୍ତାକ୍ଷର ବିଶଂଗତି ଥିବାରୁ ନାମାଙ୍କନ ପ୍ରତ୍ୟାହାର କରାଯାଇଥିଲା। କେବଳ ଏତିକି ନୁହେଁ, କୁମ୍ବାନୀଙ୍କ ନାମାଙ୍କନ ବାତିଲ ହେବା ପରେ ଦଳର ବିକଳ୍ପ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଥିବା ସୁରେଶ ପଡସାଲାଙ୍କ ନାମାଙ୍କନ ମଧ୍ୟ ବାତିଲ କରାଯାଇଥିଲା। ନାମାଙ୍କନ ପ୍ରତ୍ୟାହାରର ଶେଷ ଦିନରେ ୮ ଜଣ ପ୍ରାର୍ଥୀ ନଜର ନାମାଙ୍କନ ପତ୍ର ଫେରାଇ ନେଇଥିଲେ । ଯେଉଁଥିରେ ବାହୁଜନ ସମାଜ ପାର୍ଟିର ପ୍ୟାରେଲାଲ ଭାରତୀ ଏବଂ ଅଧିକାଂଶ ସ୍ୱାଧୀନ ପ୍ରାର୍ଥୀ ସାମିଲ ଥିଲେ ।
#WATCH | Gujarat: Mukesh Dalal, BJP's candidate from the Surat Lok Sabha seat collects his winning certificate after he was elected unopposed
The Congress candidate's form was rejected by the Returning Officer, the other eight candidates for the seat withdrew their nominations.… pic.twitter.com/Uzslcbj8aD
— ANI (@ANI) April 22, 2024
