ଖୋର୍ଦ୍ଧାରେ ଅପରାଜିତାଙ୍କୁ ଦଳୀୟ କର୍ମୀଙ୍କ ଜୋରଦାର ବିରୋଧ, ଗୋ ବ୍ୟାକ୍ ନାରା ପରେ ବୈଠକସ୍ଥଳ ଛାଡ଼ି ଚାଲିଗଲେ ସାଂସଦ

ଖୋର୍ଦ୍ଧା: ସାଂସଦଙ୍କୁ ଖୋଦ୍ ନିଜ ଦଳରେ ବିରୋଧ । ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀଙ୍କୁ ଜୋରଦାର ବିରୋଧ କରିଛନ୍ତି ଦଳୀୟ କର୍ମୀ । ଖୋର୍ଦ୍ଧା ଜିଲା ଟାଙ୍ଗୀ ବ୍ଲକ ଓଳସିଂ ଗ୍ରାମରେ ସାଂସଦ ଅପରାଜିତଙ୍କୁ ବିରୋଧ କରିଛନ୍ତି ବିଜେପି କର୍ମୀ । ଏପରିକି ପଥର ପକାଇ ସାଂସଦଙ୍କ ବାଟ ଓଗାଳିଥିଲେ କର୍ମୀ । ସାଂସଦଙ୍କୁ ବିରୋଧ କରି କର୍ମୀମାନେ ରାସ୍ତା ଉପରେ ବସିବା ସହ ସାଂସଦଙ୍କୁ ବିରୋଧ କରିଥିଲେ । ବିହାରୀ ଅପରାଜିତା ଗୋ ବ୍ୟାକ୍ ନାରା ଦେବା ସହ ସାଂସଦଙ୍କୁ ଜୋରଦାର ବିରୋଧ କରିଥିଲେ କର୍ମୀ ।

କିଛି କର୍ମୀ ବି କହିଥିଲେ- ୪ ବର୍ଷ ପରେ ଆସିଛନ୍ତି କୁଆଡ଼େ? ଦଳୀୟ କର୍ମୀ ମାନଙ୍କୁ ଅଣଦେଖା କରି ଆସିଥିବାରୁ କର୍ମୀମାନେ ସାଂସଦଙ୍କୁ ବିରୋଧ କରିଥିଲେ । ଦଳୀୟ କର୍ମୀଙ୍କ ପ୍ରବଳ ବିରୋଧ ପରେ ଶେଷରେ ବାଧ୍ୟ ହୋଇ ଫେରିଯାଇଥିଲେ ସାଂସଦ ଅପରାଜିତା । ସାଂସଦଙ୍କ ସାଥୀରେ ଥିବା ବିଜେପି ଜିଲ୍ଲା ସଭାପତି ରଶ୍ମି ରଂଜନ ମହାପାତ୍ର ବି ଫେରିଯାଇଥିଲେ ।