ବ୍ରହ୍ମପୁରରେ ବଢ଼ୁଛି ବିଜେଡିର ଶକ୍ତି
ବ୍ରହ୍ମପୁର: ବ୍ରହ୍ମପୁର ଫାଷ୍ଟଗେଟ ରଘୁନାଥ କଲ୍ୟାଣ ମଣ୍ଡପ ପରିସରରେ ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଛି । ନୀଳାଚଳ ବିଷୋୟୀଙ୍କ ପୌରିହତରେ ବିଜୁ ଜନତା ଦଳ ମହାନଗର ସଭାପତି ବିଜୟ ସାମଲଙ୍କ ଅଧ୍ୟକ୍ଷତାରେ ଦଳରେ ଅନ୍ୟଦଳର କର୍ମୀ ଯୋଗ ଦେଇଛନ୍ତି । ଶତାଧିକ ବିଜେପି ଓ ବଜରଙ୍ଗ ଦଳର କର୍ମୀ ବିଜୁ ଜନତା ଦଳରେ ସାମିଲ୍ ହୋଇଛନ୍ତି ।
ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ବିଭିନ୍ନ ଜନହିତକର କାର୍ଯ୍ୟରେ ଅନୁପ୍ରାଣିତ ହୋଇ ୩ ନମ୍ବର ୱାର୍ଡର ବହୁ ବିଜେପି ଓ ବଜରଙ୍ଗ ଦଳ କର୍ମୀ ବିଧିବଦ୍ଧ ଭାବରେ ବିଜୁ ଜନତା ଦଳରେ ସାମିଲ ହୋଇଛନ୍ତି । ଏହି ମିଶ୍ରଣ ପର୍ବରେ ଜିଲ୍ଲା ସଭାପତି ସମସ୍ତଙ୍କୁ ଉତ୍ତରୀୟ ପିନ୍ଧାଇ ଦଳକୁ ସ୍ୱାଗଗତ କରିଥିଲେ ।
ନୂତନ ଭାବେ ଦଳରେ ଯୋଗ ଦେଇଥିବା କର୍ମୀମାନଙ୍କୁ ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିବା ସହ ଆଗାମୀ ଦିନରେ ଦଳ ପାଇଁ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ । ନବୀନ ପଟ୍ଟନାୟକଙ୍କ ୨୦ ବର୍ଷର ବିଭିନ୍ନ ଲୋକାଭିମୁଖୀ ଯୋଜନା ଓ କାର୍ଯ୍ୟଶୈଳୀରେ ଆକୃଷ୍ଟ ହୋଇ କର୍ମୀମାନେ ବିଜୁ ଜନତା ଦଳରେ ଯୋଗଦାନ କରିଥିବା ଆୟୋଜିତ ମିଶ୍ରଣ ପର୍ବରେ ନୀଳାଚଳ ବିଷୋୟୀ କହିଛନ୍ତି ।
