ପୁଣି ୪ ରାଜ୍ୟରେ ବିଜେପି ସରକାର, ୟୁପିରେ ରିପିଟ୍ ହେଲେ ଯୋଗୀ, ପଞ୍ଜାବରେ ଚମକିଲା ଆପ୍

ନୂଆଦିଲ୍ଲୀ: ଗୋଆ, ପଞ୍ଜାବ, ଉତ୍ତରପ୍ରଦେଶ, ଉତ୍ତରାଖଣ୍ଡ ଓ ମଣିପୁରରୁ ଆସିଲା ଫାଇନାଲ୍ ରେଜଲ୍ଟ । ଗୋଆରେ ୪୦ ଆସନରୁ ବିଜେପିକୁ ୨୦ ଆସନ ମିଳିଥିବା ବେଳେ କଂଗ୍ରେସକୁ ମିଳିଛି ୧୨ଟି ଆସନ । ସେହିପରି ଆମ ଆଦମୀ ପାର୍ଟିକୁ ୨ ଆସନ ମିଳିଥିବା ବେଳେ ଅନ୍ୟାନ୍ୟ ୬ଟି ଆସନରେ ବିଜୟଲାଭ କରିଛନ୍ତି । ସେହିଭଳି ପଞ୍ଜାବର ୧୧୭ଟି ଆସନରୁ ଆପକୁ ମିଳିଛି ୯୨ଟି ଆସନ । ବହୁମତ ସହ ପଞ୍ଜାବରେ ସରକାର ଗଢିବାକୁ ଯାଉଛି ଆମ ଆଦମୀ ପାର୍ଟି । ସେହିଭଳି କଂଗ୍ରେସ ପଞ୍ଜାବରେ ୧୮ଟି ଆସନରେ ସୀମିତ ରହିଛି । ତେବେ ବିଜେପିକୁ ମିଳିଲା ମାତ୍ର ୨ଟି ଆସନ । ସିରୋମଣି ଅକାଳୀ ଦଳ ବା ସାଡକୁ ମିଳିଛି ୪ଟି ଆସନ ।

First-time voters ensured BJP's victories in four states, says PM Modi

Read @ANI Story | https://t.co/XQ0KyCFM4F#AssemblyElectionResults2022 pic.twitter.com/OGVwm0iynJ

— ANI Digital (@ani_digital) March 10, 2022

ମଣିପୁରରେ ମଧ୍ୟ ସମସ୍ତ ଆସନରେ ଭୋଟ ଗଣତି ଶେଷ ହୋଇଛି । ବିଜେପିକୁ ୩୨ଟି ଆସନ ମିଳିଥିବା ବେଳେ କଂଗ୍ରେସ ୫ଟି ଆସନରେ ବିଜୟୀ ହୋଇଛି । ସେହିପରି ନ୍ୟାସନାଲ ପିପୁଲସ୍‌ ପାର୍ଟି ୭ଟି ଆସନରେ ବିଜୟ ଲାଭ କରିଛି । ଅନ୍ୟାନ୍ୟଙ୍କୁ ମିଳିଛି ୧୬ଟି ଆସନ । ସେହିପରି ଉତ୍ତରାଖଣ୍ଡର ୭୦ଟି ଆସନରୁ ବିଜେପି ୪୭ଟି ଆସନରେ ବିଜୟୀ ହୋଇଥିବା ବେଳେ କଂଗ୍ରେସକୁ ୧୯ଟି ଆସନ ମିଳିଛି । ଉତ୍ତରାଖଣ୍ଡରେ ଅନ୍ୟାନ୍ୟ ଦଳ ୪ଟି ଆସନରେ ବିଜୟୀ ହୋଇଛନ୍ତି । ଯଦି ଉତ୍ତରପ୍ରଦେଶ କଥା କହିବା ତାହାଲେ ଉତ୍ତରପ୍ରଦେଶର ୪୦୩ ଆସନରୁ ବିଜେପି ମେଣ୍ଟକୁ ୨୭୩ଟି ଆସନ ମିଳିଥିବା ବେଳେ ସରକାର ଗଢିବ ବିଜେପି । ସେହିଭଳି ସମାଜବାଦୀ ପାର୍ଟି ମେଣ୍ଟକୁ ମିଳିଛି ୧୨୫ଟି ଆସନ । ୟୁପିରେ କଂଗ୍ରେସକୁ ମିଳିଛି ମାତ୍ର ଦୁଇଟି ଆସନ । ସେହିପରି ଉତ୍ତରପ୍ରଦେଶରେ ଅନ୍ୟାନ୍ୟ ଦଳ ୩ଟି ଆସନରେ ବିଜୟ ଲାଭ କରିଛନ୍ତି ।