ବିଜେଡି ଲୋକଙ୍କ ସହ ଅଛି, ବିଜେପି ନିଜ ଦଳ କଥା ଚିନ୍ତା କରୁ

ଭୁବନେଶ୍ୱର: ନିର୍ବାଚନ ଆସିଲେ ଅନେକ ନେତା ଦଳ ଛାଡି ଅନ୍ୟ ଦଳରେ ସାମିଲ ହୁଅନ୍ତି । ଏହା ବିଜେଡି ଉପରେ କୌଣସି ପ୍ରଭାବ ପକାଇବ ନାହିଁ । ନିର୍ବାଚନ ସମୟରେ ବହୁ ନେତା ଆମ ଦଳରେ ବି ସାମିଲ ହୁଅନ୍ତି । ବିଜେଡି ଗ୍ରାଉଣ୍ଡରେ ରହିଛି । ଲୋକଙ୍କ ସହିତ ରହିଛି । 2024ରେ ଓଡିଶାବାସୀ ମନସ୍ତ କରିଛନ୍ତି କାହାକୁ ଭୋଟ ଦେବେ । ବିଜେପି ଆମ ଦଳ କଥା ନଚିନ୍ତା କରି ନିଜ ଦଳ କଥା ଚିନ୍ତା କରୁ । ବିଜେପି ଦଳ ଛାଡି ବହୁ ନେତା ବିଆରଏସରେ ସାମିଲ ହେଲେ । ବିଜେପି ନେତାମାନେ ନିଜ ଦଳ କଥା ଚିନ୍ତା କରନ୍ତୁ । ଏହା କହିଛନ୍ତି ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ।

ମିଶ୍ରଣ ପର୍ବ, ଦଳ ଛାଡିବା ଗୋଟିଏ ଲେଖାଏଁ ଗତାନୁଗତିକ ପ୍ରକ୍ରିୟା । ଯାହାକୁ ଯେଉଁଠି ଭଲ ଲାଗିବ ସେ ଯିବେ । ସେଠାରେ ରାଜନୈତିକ କ୍ୟାରିଅର କରିବେ । ୨୫ ବର୍ଷ ହେଲା ରାଜ୍ୟବାସୀ ମୁଖ୍ୟମନ୍ତ୍ରୀଙ୍କ ସହ ଜଡିତ ଅଛନ୍ତି । ୨୦୨୪ରେ ମଧ୍ୟ ରାଜ୍ୟବାସୀ ବିଜେଡିକୁ ସମର୍ଥନ କରିବେ ବୋଲି ମନସ୍ଥ କରିସାରିଛନ୍ତି । ବିଜେପି ଛାଡି ବିଆରଏସରେ ଗମାଙ୍ଗ ପରିବାରର ଯୋଗଦାନ ପରେ ଏପରି ପ୍ରତିକ୍ରିୟା ରଖିଛନ୍ତି ବିଜେଡି ସାଧାରଣ ସଂପାଦକ ପ୍ରଣବ ପ୍ରକାଶ ଦାସ ।

ବିଜେଡିର ଫୋକସ ହେଉଛି ଲୋକଙ୍କ ପାଖରେ ପହଞ୍ଚିବା । ସେଇଟା ବିଜେଡିର ପ୍ରଧାନ କର୍ତ୍ତବ୍ୟ । ବିଜେପି ଅଭିଯୋଗ କରୁଛି ଯେ, ବିଜେଡିର କିଛି ନେତା ତାଙ୍କ ଦଳ ସହ ଯୋଗାଯୋଗରେ ଅଛନ୍ତି । ଏଠାରେ ତେଣୁ କହିଦେଉଛି ଯେ, ସେମାନେ ତାଙ୍କ କଥା ଚିନ୍ତା କରନ୍ତୁ । ବିଜେଡି କେମିତି ଚାଲିବ ସେକଥା ମୁଖ୍ୟମନ୍ତ୍ରୀ ଜାଣିଛନ୍ତି । ତାଙ୍କ ଦଳ ଛାଡି କିଛି ନେତା ବିଆରଏସରେ ମିଶୁଛନ୍ତି । ୨୦୨୪ରେ ଲୋକ କାହାକୁ ଭୋଟ ଦେବେ ମନସ୍ଥ କରିସାରିଛନ୍ତି । ଲୋକେ ନିଷ୍ପତ୍ତି ନେଇ ସାରିଛନ୍ତି ବୋଲି କହିଛନ୍ତି ପ୍ରଣବ ।