ଲୋକଙ୍କ ପାଖକୁ ଯାଉନାହାନ୍ତି ବିଜେପି ସାଂସଦ: ସ୍ନେହାଙ୍ଗିନୀ ଛୁରିଆ

ଭୁବନେଶ୍ୱର: ବିଜେପି ଉପରେ ବର୍ଷିଛନ୍ତି ବିଜୁ ମହିଳା ଜନତା ଦଳ ସଭାନେତ୍ରୀ ସ୍ନେହାଙ୍ଗିନୀ ଛୁରିଆ । ପଶ୍ଚିମ ଓଡ଼ିଶାବାସୀ ଭରସା କରି ବିଜେପିକୁ ସାଂସଦ ଆସନରେ ଜିତାଇଥିଲେ । ମାତ୍ର ବିଜେପି ସାଂସଦ ପଶ୍ଚିମ ଓଡ଼ିଶା ପାଇଁ କୌଣସି କାମ କରିନଥିବା ଅଭିଯୋଗ କରିଛନ୍ତି ସ୍ନେହାଙ୍ଗିନୀ । ଲୋକଙ୍କ ପାଖକୁ ବିଜେପି ସାଂସଦ ଯାଉନାହାନ୍ତି । ଯେଉଁଥିପାଇଁ ଲୋକଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି । ଓଡ଼ିଶାବାସୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହିତ ଅଛନ୍ତି । ତୃଣମୂଳ ସ୍ତରରେ ଲୋକଙ୍କ ସମସ୍ୟାର ସମାଧାନ କରାଯାଉଛି । ଓଡ଼ିଶାରେ ବିଜେପିର କୌଣସି ପ୍ଲାନ୍‌ କାମ ଦେବନି ବୋଲି ବିଜେଡି କହିଛି । ମୁଖ୍ୟମନ୍ତ୍ରୀ କରୁଥିବା ଭଲକାମକୁ ବିରୋଧୀ ବିରୋଧ କରୁଛନ୍ତି । ବିରୋଧୀଙ୍କ କାମ ବିରୋଧ କରିବା । ହେଲେ ଓଡ଼ିଶାକୁ ଏକ ବିକଶିତ ରାଜ୍ୟରେ ଗଢ଼ି ତୋଳିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିନରାତି କାମ କରୁଛନ୍ତି ବୋଲି ସ୍ନେହାଙ୍ଗିନୀ ଛୁରିଆ କହିଛନ୍ତି ।