ହିନ୍ଦୁଙ୍କୁ ନେଇ ବିଜେପି ସାଂସଦ ନିଶିକାନ୍ତ ଦୁବେଙ୍କ ବିବାଦୀୟ ବୟାନ
![](https://nandighoshatv.com/wp-content/uploads/2024/07/dube-1024x576.jpg)
ନୂଆଦିଲ୍ଲୀ : ହିନ୍ଦୁଙ୍କୁ ନେଇ ବିଜେପି ସାଂସଦ ନିଶିକାନ୍ତ ଦୁବେଙ୍କ ବିବାଦୀୟ ବୟାନ। ବାଂଲାଦେଶରୁ ବହୁ ଅନୁପ୍ରବେଶକାରୀ ପ୍ରବେଶ କରୁଥିବାରୁ ଝାଡଖଣ୍ଡ ଓ ପଶ୍ଚିମବଙ୍ଗର କେତେକ ଅଞ୍ଚଳକୁ କେନ୍ଦ୍ର ଶାସିତ ଅଞ୍ଚଳ ଭାବେ ଘୋଷଣା କରାଯାଉ। ଝାଡଖଣ୍ଡ ଗୋଡାରୁ ନିର୍ବାଚିତ ସାଂସଦ ଦୁବେ କହିଛନ୍ତି, ରାଜ୍ଯରେ ଆଦିବାସୀଙ୍କ ସଂଖ୍ଯା ୧୦ ପ୍ରତିଶତ ହ୍ରାସ ପାଇଛି। ଅନୁପ୍ରବେଶକାରୀଙ୍କୁ ରୋକିବାରେ ରାଜ୍ଯ ସରକାର ବିଫଳ ହୋଇଥିବାରୁ ଏହା ଘଟୁଛି। ମାଲଦା, ମୁର୍ଶିଦାବାଦ, ଆରାରିଆ, କିଷନଗଞ୍ଜ, କତିହାର ଓ ସାନ୍ତାଳ ପରଗଣା ଅଞ୍ଚଳକୁ କେନ୍ଦ୍ର ଶାସିତ ଅଞ୍ଚଳ ଘୋଷଣା କରିବା ଲାଗି ସେ ଦାବି କରିଛନ୍ତି। ସେଠାରେ ଜାତୀୟ ନାଗରିକ ପଞ୍ଜିକା ବା ଏନଆରସି ଲାଗୁ କରିବାକୁ ସେ ଦାବି କରିଛନ୍ତି। ବାଂଲାଦେଶରୁ ମୁସଲିମମାନେ ଏହି ଦୁଇ ରାଜ୍ଯରେ ପ୍ରବେଶ କରୁଛନ୍ତି ଏବଂ ଆଦିବାସୀ ମହିଳାଙ୍କୁ ବିବାହ କରୁଛନ୍ତି। ଝାଡ଼ଖଣ୍ଡର ୧୦୦ରୁ ଅଧିକ ଗ୍ରାମର ମହିଳା ମୁଖିଆଙ୍କ ସ୍ବାମୀ ମୁସଲିମ ବୋଲି କହିଛନ୍ତି ଦୁବେ