ବିଜେପି ବିଧାୟକଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦେଇଛି ତୃଣମୂଳ କଂଗ୍ରେସ: ରାହୁଲ ସିହ୍ନା

କୋଲକାତା: ସୋମବାର ସକାଳେ ଭାରତୀୟ ଜନତା ପାର୍ଟିର ବିଧାୟକ ଦେବେନ୍ଦ୍ର ନାଥ ରୟଙ୍କ ମୃତ୍ୟୁ ହୋଇଛି । ଉତ୍ତର ବଙ୍ଗଳାର ଉତ୍ତର ଦିନାଜପୁରସ୍ଥିତ ନିଜ ଘର ନିକଟରେ ବିଧାୟକଙ୍କ ମୃତଦେହ ମିଳିଛି । ବିଜେପି ବିଧାୟକଙ୍କ ମୃତଦେହ ହେମତାବାଦର ବିନ୍ଦଲରେ ତାଙ୍କ ଘର ନିକଟରେ ଥିବା ଏକ ଦୋକାନର ବାଲକୋନୀରେ ଝୁଲୁଥିବାର ଦେଖିବାକୁ ମିଳିଛି । ପରିବାର ସଦସ୍ୟ ବିଧାୟକଙ୍କୁ ହତ୍ୟା କରିଥିବା ଅଭିଯୋଗ କରିଛନ୍ତି ।

Body of Shri Debendra Nath Ray, BJP MLA from Hemtabad, a reserved seat, in Uttar Dinajpur, was found hanging like this in Bindal, near his village home. People are of the clear opinion that he was first killed & then hung.

His crime? He joined the BJP in 2019.

Om Shanti. pic.twitter.com/Zqbh1BZZIq

— BJP West Bengal (@BJP4Bengal) July 13, 2020

ଏଥିସହ ବିଜେପି ନେତା ରାହୁଲ ସିହ୍ନା ଟିଏମସି ହତ୍ୟା କରିଥିବା ଅଭିଯୋଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପାଖରେ ସିବିଆଇ ତଦନ୍ତ ଦାବି କରିଛନ୍ତି। ତେବେ ବିଧାୟକଙ୍କ ମୃତ୍ୟୁକୁ ନେଇ ପୋଲିସ ତଦନ୍ତ ଆରମ୍ଭ କରିଛି । ତେବେ ଏପର୍ଯ୍ୟନ୍ତ କାହାକୁ ବି ଗିରଫ କରାଯାଇ ନାହିଁ । ସ୍ଥାନୀୟ ଲୋକମାନେ ବିଜେପି ବିଧାୟକଙ୍କୁ ହତ୍ୟା କରି ତାଙ୍କ ଶବକୁ ଦୋକାନରେ ଟଙ୍ଗାଯାଇଥିବା ଅଭିଯୋଗ କରିଛନ୍ତି ।

ବିଜେପି ନେତା ରାହୁଲ ସିହ୍ନା ବିଧାୟକଙ୍କ ଶବ ମିଳିବା ପରେ କହିଛନ୍ତି ଯେ, ‘ହେମଟାବାଦର ବିଜେପି ବିଧାୟକ ଦେବେନ୍ଦ୍ର ନାଥଙ୍କ ହତ୍ୟାର ସିବିଆଇ ତଦନ୍ତ ଦାବି କରିଛନ୍ତି । ସେ ଅଭିଯୋଗ କରିଛନ୍ତି ଯେ, ତୃଣମୂଳ କଂଗ୍ରେସ ବଧାୟକଙ୍କୁ ହତ୍ୟା କରି ଆତ୍ମହତ୍ୟା ରୂପ ଦେଇଥିବା ଅଭିଯୋଗ କରିଛନ୍ତି । ହତ୍ୟା ପଛରେ ଥିବା ସତ୍ୟ ଜାଣିବା ପାଇଁ ସିବିଆଇ ତଦନ୍ତ ନିର୍ଦ୍ଦେଶ ଦେବାକୁ ସେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀଙ୍କୁ ଅନୁରୋଧ କରୁଛନ୍ତି । ‘ ଦେବେନ୍ଦ୍ର ନାଥ ୨୦୧୬ ସିପିଆଇଏମଙ୍କ ଟିକେଟରେ ଉତ୍ତର ଦିନାଜପୁର ଜିଲ୍ଲାର ହେମଟାବାଦ ବିଧାନସଭା ଆସନ ଜିତିଥିଲେ, କିନ୍ତୁ ପରେ ୨୦୧୯ରେ ବିଜେପିରେ ଯୋଗ ଦେଇଥିଲେ ।