ବିଜେଡିର ଲୋକପ୍ରିୟତାକୁ ସ୍ୱୀକାର କଲେ ବିଜେପି ନେତା ବିଷ୍ଣୁ ସେଠୀ

ଭୁବନେଶ୍ୱର: ଓଡିଶାରେ ବିଜେଡିର ଲୋକ ପ୍ରିୟତାକୁ ବିଜେପି ନେତାଙ୍କ ସ୍ୱୀକାର  । ଖୋଦ ବିଜେପି ବିଧାୟକ ତଥା ବିରୋଧି ଦଳ ଉପନେତା ବିଷ୍ଣୁ ସେଠୀ ପ୍ରତିକ୍ରିୟାରେ ପ୍ରକାଶ କରିଛନ୍ତି  ।  ବିଜେଡି ସଶକ୍ତ ହୋଇ ରହିଛି  । ଏହାକୁ ସ୍ୱୀକାର କରିବୁ ବୋଲି କହିଛନ୍ତି ବିରୋଧୀଦଳ ଉପନେତା  ।  ରାଜ୍ୟରେ ଆଞ୍ଚଳିକ ଦଳର ପ୍ରଭାବ ରହିଛି ।  ଆଜି ଯାଏଁ ସେହି ସ୍ଥାନକୁ କେହି ଛୁଇଁ ପାରି ନାହାଁନ୍ତି  ।

ବିଷ୍ଷୁ ସେଠୀ କହିଛନ୍ତି ସେହି ସ୍ଥାନରେ ବିଜେପି ମଧ୍ୟ ପହଁଚି ପାରିନାହିଁ  । ଅର୍ଥାତ ଗ୍ରାଉଣ୍ଡରେ ବିଜେପି ପହଞ୍ଚି ପାରିନଥିବା କହିଛନ୍ତି ବିଷ୍ଣୁ ସେଠୀ  ।  ବିଜେଡି ସହ ଗ୍ରାଉଣ୍ଡରେ ଲଢ଼ିବା କଷ୍ଟ ବୋଲି ମଧ୍ୟ ଖୋଦ ବିରୋଧି ଦଳ ଉପନେତା ମାନିଛନ୍ତିି । ବ୍ରଜରାଜ ନଗର ଉପନିର୍ବାଚନକୁ ନେଇ ଏଭଳି ବୟାନ ଦେଇଛନ୍ତି ବିଷ୍ଣୁ ସେଠୀ । ଏଥସହ ସ୍ବର୍ଗତ କିଶୋର ମହାନ୍ତିଙ୍କ ପତ୍ନୀଙ୍କ ପ୍ରତି ଅନୁକମ୍ପା ରହିବ ବୋଲି ବିଷ୍ଣୁ କହିଛନ୍ତି ।

ବିଜେଡି ପ୍ରତିଟି ନିର୍ବାଚନକୁ ଗୁରୁତ୍ୱ ଦେଉଥିବାବେଳେ, ପଞ୍ଚମ ପାଳିରେ ମଧ୍ୟ ସଫଳ ହୋଇ ରହିଛି ଦଳ  । ପଞ୍ଚାୟତ ନିର୍ବାଚନ ଠାରୁ ଆରମ୍ଭ କରି ପୌର ନିର୍ବାଚନ  । ଦଳକୁ ମିଳିଛି ଅହେତୁକ ଜନ ସମର୍ଥନ  । କାରଣ ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ଲୋକପ୍ରିୟତା ଏବଂ ନେତାଙ୍କ କାର୍ଯ୍ୟ ଦକ୍ଷତାର ପରିଣାମ ସ୍ୱରୂପ ବିଜେଡି ଏହି ସଫଳତା ହାସଲ କରିବାରେ ସକ୍ଷମ ହୋଇଛି  । ଯେଉଁଠି ଅନ୍ୟ କୌଣସି ଦଳ ସମାନ ଋଣନିତୀ କିମ୍ବା ଲୋକଙ୍କ ନିକଟତର ହେବାରେ ବିଫଳ ହୁଅନ୍ତି  ।