ବିଷ୍ଣୁଙ୍କ ଗୁଣ୍ଡା ପ୍ରୀତି

ଭୁବନେଶ୍ବର: ନ୍ୟାୟ ନାଁରେ ବିଜେପି କର୍ମୀ ରାଜ୍ୟରେ ଚଲାଇଛନ୍ତି ଗୁଣ୍ଡାରାଜ । ସବୁ ସୀମା ପାର କରିଯାଇଛନ୍ତି ବିଜେପି କର୍ମୀ । ରାଜଧାନୀ ପାଲଟିଛି ରଣକ୍ଷେତ୍ର । ପ୍ରତିବାଦ ନାଁ ରେ ବିଜେପି କର୍ମୀ ପୁଲିସକୁ ମାଡ଼ ମାରି ଲହୁ ଲୁହାଣ କରିଛନ୍ତି । ହେଲେ ବିଜେପି ନେତାଙ୍କ ଉପରେ ଏସବୁ ଅସାମାଜିକ କାର୍ଯ୍ୟ କିଛି ଫରକ ପକାଉନାହିଁ । ନିନ୍ଦା କରିବା ପରିବର୍ତ୍ତେ ପରୋକ୍ଷରେ ଅଲାଜୁକ ପରି ଏହାକୁ ସମର୍ଥନ କରୁଛନ୍ତି । ବିଧାୟକ ବିଷ୍ଣୁ ସେଠୀ ବିଜେପି କର୍ମୀଙ୍କ ଏଭଳି ଗୁଣ୍ଡାଗିରିକୁ ସମର୍ଥନ କରିଛନ୍ତି ।

ଉତ୍ତରପ୍ରଦେଶରେ କେନ୍ଦ୍ରମନ୍ତ୍ରୀଙ୍କ ପୁଅ ଚାଷୀଙ୍କ ଉପରେ ଗାଡ଼ି ଚଢ଼ାଇ ମାରିଦେବା ଘଟଣାକୁ ମଧ୍ୟ ସମର୍ଥନ କରିବାକୁ ପଛାଇ ନାହାନ୍ତି ବିଷ୍ଣୁ । କେନ୍ଦ୍ରମନ୍ତ୍ରୀଙ୍କ ମଣିଷ ମରା ପୁଅ ସମର୍ଥନରେ ମନ୍ତବ୍ୟ ଦେବା ସହ ଚାଷୀଙ୍କୁ ସେ ଆକ୍ରମଣକାରୀ କହିଛନ୍ତି । ଚାଷୀଙ୍କ ସହ ବିଦେଶୀ ଗୁଣ୍ଡା ମିଶିଥିଲେ, ଆତ୍ମରକ୍ଷା ପାଇଁ କେନ୍ଦ୍ରମନ୍ତ୍ରୀଙ୍କ ପୁଅ ଚାଷୀଙ୍କ ଉପରେ ଗାଡ଼ି ଚଢାଇଥିବା ବିଷ୍ଣୁ ସମ୍ବେଦନହୀନ ମନ୍ତବ୍ୟ ଦେଇଛନ୍ତି । ଜଣେ ଲୋକ ପ୍ରତିନିଧି ଭାବେ ବିଷ୍ଣୁଙ୍କ ଏଭଳି ଦାୟିତ୍ବହୀନ ମନ୍ତବ୍ୟକୁ ବିଭିନ୍ନ ମହଲ ନାପସନ୍ଦ କରିଛି ।