କେନ୍ଦୁଝର: ଶ୍ରମିକଙ୍କୁ ମୋହରା କରି ନିଜର ବ୍ୟକ୍ତିଗତ ସ୍ଵାର୍ଥ ହାସଲ କରୁଛନ୍ତି ବିଜେପି ବିଧାୟକ ମୋହନ ମାଝୀ । କେନ୍ଦୁଝର ଶୁଆକାଟି ସ୍ଥିତ ଓଏମ୍ସି ଗନ୍ଧମାର୍ଦ୍ଦନ ଖଣି ନିକଟରେ ଗତ ୨୨ ଦିନଧରି ମୋହନ ମାଝୀ ଶ୍ରମିକଙ୍କୁ ମୋହରା କରି ଚଳାଇଥିବା ଆନ୍ଦୋଳନକୁ ବିରୋଧ କରି ଅନ୍ୟ ଏକ ଶ୍ରମିକ ସଂଗଠନ ମୋହନଙ୍କ କୁଶପୁତ୍ତଳିକା ଦାହ କରିଥିଲା ।
ସ୍ଥାନୀୟ ଶ୍ରମିକଙ୍କ ଅଭିଯୋଗ ହେଉଛି, ମୋହନ ମାଝୀ ଗନ୍ଧମାର୍ଦ୍ଦନ ଖଣି ପରିସରରେ ବାହାର ଶ୍ରମିକଙ୍କ ପାଇଁ ଆନ୍ଦୋଳନକୁ ସମର୍ଥନ କରୁଥିବା ବେଳେ ହଜାର ହଜାର ଶ୍ରମିକ ଖଣି ପରିସରରେ ଥିଲେ ମଧ୍ୟ ତାଙ୍କ ପ୍ରତି କୌଣସି ସହଯୋଗର ହାତ ବଢ଼ାଉ ନାହାନ୍ତି । ବିଧାୟକ ମୋହ ମାଝି ଶ୍ରମିକଙ୍କୁ କାମ ଦେବା ବଦଳରେ ମେସିନ୍ ଲଗାଇ କାମ କରୁଛନ୍ତି । ଓଏମ୍ସି ଖଣି ବନ୍ଦ ହେଲେ ଶ୍ରମିକ ମାନେ ରୋଜଗାର ହରାଇବା ସହ ୭ ହଜାରରୁ ଉର୍ଦ୍ଧ ଟ୍ରକ ମାଲିକଙ୍କ ସମେତ ଖଣି ଦ୍ୱାରା ରୋଜଗାର ପାଉଥିବା ହଜାର ହଜାର ବ୍ୟବସାୟୀ ଭୋକ ଉପାସରେ ରହିବାର ଆଶଙ୍କା ରହିଛି । ଏନେଇ ସ୍ଥାନୀୟ ଶ୍ରମିକଙ୍କ ସମେତ ଟ୍ରକ ମାଲିକ ଓ ବ୍ୟବସାୟୀ ମାନେ ବିଧାୟକ ମୋହନ ମାଝୀଙ୍କୁ ଦାୟୀ ରହିବେ ବୋଲି କହିଛନ୍ତି ।
