ବଲାଙ୍ଗୀର: ବିଜେପି ବିଧାୟକ ପ୍ରାର୍ଥୀଙ୍କ ହତ୍ଯା ଧମକ । ମୋବାଇଲରୁ ମୋବାଇଲ ଭାଇରାଲ୍ । ଟିଟିଲାଗଡ଼ ବିଧାନସଭା ନିର୍ବାଚନମଣ୍ଡଳୀ ବିଜେପି ପ୍ରାର୍ଥୀ ନବୀନ ଜୈନ ମୋବାଇଲରେ ଜଣେ ବ୍ୟକ୍ତିଙ୍କୁ ଗାଳି ଗୁଲଜ କରିଥିବାର ଅଡିଓ ଭାଇରାଲ୍ ହେବାରେ ଲାଗିଛି। ବିପିନ ଠାକୁର ନାମକ ବ୍ଯକ୍ତିଙ୍କୁ ନବୀନ ଜୈନ ଗାଳି ଗୁଲଜ କରିଛନ୍ତି।
ଟିଟିଲାଗଡ଼ ବିଧାନସଭା ନିର୍ବାଚନମଣ୍ଡଳୀ ପାଇଁ ନବୀନ ଜୈନ ଓ ମୁକେଶ ଜୈନ ଆଶାୟୀ ଥିବା ବେଳେ ନବୀନ ଜୈନଙ୍କୁ ଟିକେଟ ମିଳିଛି। କିନ୍ତୁ ମୁକେଶ ଜୈନଙ୍କ ସହିତ ବିପିନ ଠାକୁର ବୁଲାବୁଲି କରୁଥିଲେ । ବିପିନ ଠାକୁରଙ୍କୁ ନବୀନ ଜୈନ ଫୋନ କରି ଅଶ୍ରାବ୍ଯ ଭାଷାରେ ଗାଳିଗୁଲଜ ଦେବା ସହ ହତ୍ୟା ଧାମକ ଦେଇଥିବା ଅଭିଯୋଗ ହୋଇଛି।
ଏ ସମ୍ପର୍କରେ ବିପିନ ଠାକୁର ଦଳର ବରିଷ୍ଠ ନେତାଙ୍କୁ ଜଣାଇଥିଲେ ମଧ୍ଯ କୌଣସି ପଦକ୍ଷେପ ନିଆଯାଇନାହିଁ। ଯଦି ଜଣେ ବିଧାୟକ ପ୍ରାର୍ଥୀ ନିଜ ଦଳର ସଦସ୍ଯଙ୍କୁ ଏପରି ଗାଳି ଗୁଲଜ କରିପାରନ୍ତି ଓ ହତ୍ଯା ଧମକ ଦେଇପାରନ୍ତି, ତେବେ ସେ ଅନ୍ୟଙ୍କୁ କିଭଳି ବ୍ୟବହାର କରିବେ ବୋଲି ବିପିନ ପ୍ରଶ୍ନ କରିଛନ୍ତି।
