ନାବାଳିକାଙ୍କୁ ବିଜେପି ନେତାଙ୍କ ପୁଅ ଅସଦାଚରଣ କରିଥିବା ଅଭିଯୋଗ

ଯାଜପୁର: ନାବାଳିକାଙ୍କୁ ବିଜେପି ପଞ୍ଚାୟତ ସଭାପତିଙ୍କ ପୁଅ ଅସଦଆଚରଣ କରିଥିବା ଅଭିଯୋଗ । ଯାଜପୁର ଜିଲ୍ଲା ଅଳୁକୁଣ୍ଡ ଥାନା ଅଞ୍ଚଳରୁ ଆସିଛି ଏଭଳି ଅଭିଯୋଗ ।
ଗତକାଲି ଅପରାହ୍ନରେ ସମୟରେ ନାବାଳିକା ଜଣକ ନିଜ ଘରକୁ ଆସୁଥିବା ବେଳେ ଅଳୁକୁଣ୍ଡ ପଞ୍ଚାୟତର ବିଜେପି ସଭାପତି ରମାକାନ୍ତ ଦାଶଙ୍କ ପୁଅ ନିର୍ମଳ ଦାଶ ନାବାଳିକାକୁ ଅଟକାଇ ଜୋରଜବରଦସ୍ତି ଅସଦାଚରଣ କରିଥିବା ଅଭିଯୋଗ ହୋଇଛି ।
ପରିବାର ଲୋକଙ୍କ କହିବା ଅନୁଯାୟୀ ପୂର୍ବରୁ ମଧ୍ୟ ସମ୍ପୃକ୍ତ ଯୁବକ ଏଭଳି ଅସଦାଚରଣ କରିଥିଲା । ଯାହାକୁ ନେଇ ନାବାଳିକାଙ୍କ ମାଆ ଗତକାଲି ଅଳୁକୁଣ୍ଡ ଥାନାରେ ଲିଖିତ ଅଭିଯୋଗ କରିଛନ୍ତି । ଅଳୁକୁଣ୍ଡ ପୋଲିସ ଅଭିଯୋଗ ଆଧାରେ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରି କୋଟ ଚାଲାଣ କରିଛି ।