ବିଜେପି ଶାସିତ ୟୁପି , ବିହାରରେ ଚାଲିଛି ମାଫିଆ ରାଜ, କାହିଁକି ଏପରି କହିଲେ ଭାଜପା ନେତା…ଜାଣନ୍ତୁ….

1 min read

କୋଲକାତା: କଥାରେ ଅଛି ବହିଗଲା ପାଣି, ଧନୁରୁ ବାହାରି ଯାଇଥିବା ତୀର ଏବଂ  ପାଟିରୁ ବାହାରି ଯାଇଥିବା କଥା ଫେରେ ନାହିଁ । ତେଣୁ ଏହି କଥା କହିବା ସମୟରେ ସତର୍କତା ନିହାତି ଜରୁରୀ । ଆଉ ଯଦି ଆପଣ ରାଜନୀତିରେ ଅଛନ୍ତି, ତେବେ ଆପଣଙ୍କୁ ହାତେ ମାପି ଚାଖଣ୍ଡେ ଚାଲିବାକୁ ପଡ଼ିବ । ନ ହେଲେ ସେହି କଥା ବୁମେରାଂ ହେବ । ଏକଥା ଏଠି କହିବାର ତାପର୍ଯ୍ୟ ହେଉଛି-ପଶ୍ଚିମବଙ୍ଗ ବିଜେପି ସଭାପତି ଦିଲ୍ଲୀପ ଘୋଷ  ଏପରି ଏକ କଥା କହି ଅକଳରେ ପଡ଼ିଯାଇଛନ୍ତି ।

ଦିଲ୍ଲୀପ କହିଥିଲେ ଯେ, ପଶ୍ଚିମବଙ୍ଗ,  ୟୁପି ଏବଂ ବିହାର ପରି ମାଫିଆ ରାଜୁତି ଆଡ଼କୁ ଯାଉଛି । ବାସ ଏତିକି କଥା, କେବଳ ତାଙ୍କୁ ନୁହେଁ, ଦଳର ଅନ୍ୟ ନେତାଙ୍କୁ ମଧ୍ୟ ଅକଳରେ ପଡ଼ିଛି । କାରଣ ୟୁପିରେ ବର୍ତ୍ତମାନ ବିଜେପିର ଯୋଗୀ ଆଦିତ୍ୟନାଥ କ୍ଷମତାସୀନ ରହିଛନ୍ତି । ସେହିପରି ବିହାରରେ ମଧ୍ୟ ଭାଗୁଆଳୀ ଶାସନରେ ରହି ଆସିଛି । ତେଣୁ ମମତା ବାନାର୍ଜୀଙ୍କ ଶାସନ ପଦ୍ଧତିକୁ ସମାଲୋଚନା କରିବାକୁ ଯାଇ ଏପରି କହିଥିଲେ । ଉଲ୍ଲେଖଯୋଗ୍ୟ, ପଶ୍ଚିମବଙ୍ଗର ଟିଟାଗଡ଼ ପୌରପରିଷଦ କାଉନସିଲର ବାଇକରେ ଆସି ୨ ଜଣ ଦୁବୁର୍ତ୍ତ ଗୁଳି ମାରିଥିଲେ । ଏଥିରେ କାଉନସିଲର ମନୀଷ ଶୁକ୍ଲାଙ୍କ ମୃତ୍ୟୁ ହୋଇଛି । ମନୀଷଙ୍କ ମୃତ୍ୟୁକୁ ନେଇ ତୃଣମୂଳ କଂଗ୍ରେସକୁ ସମାଲୋଚନା କରିବାକୁ ଯାଇ ଦିଲ୍ଲୀପ ପରୋକ୍ଷରେ ୟୁପି, ବିହାର ନାଁ ନେଇଥିଲେ ।

ଦିଲ୍ଲୀପଙ୍କ ଏପରି ମନ୍ତବ୍ୟ ପାଇଁ ତାଙ୍କୁ ସାମାଜିକ ଗଣମାଧ୍ୟମରେ ଟ୍ରୋଲ ମଧ୍ୟ କରାଯାଇଛି । କେତେକ ତୃଣମୂଳ କଂଗ୍ରେସ ନେତା କହିଛନ୍ତି ଯେ, ସେ ଯାହା ବି ହେଉ, ବିଜେପି ଶାସିତ ରାଜ୍ୟଗୁଡିକ ଅପରାଧିକରଣ କଥା ସ୍ୱୀକାର କରିଥିବାରୁ ଧନ୍ୟବାଦ । କେବଳ ଏହି ପ୍ରସଙ୍ଗ ନୁହେଁ, କିଛି ସପ୍ତାହ ପୂର୍ବେ ଆଉ ଏକ ପ୍ରସଙ୍ଗରେ ମଧ୍ୟ ଦିଲ୍ଲୀପ ସମାଲୋଚନାକ ଶୀକାର ହୋଇଥିଲେ । ସେ କହିଥିଲେ ଯେ, ପଶ୍ଚିମବଙ୍ଗରେ କରୋନା ଫରୋନା କିଛି ନାହିଁ । ବିଜେପି ନେତାଙ୍କ ରାଲି ଉପରେ ରୋକ ଲଗାଇବା ପାଇଁ ମମତା ଦିଦି ଖାଲି ନିୟମ କରୁଛନ୍ତି । ଏହାର ଉତ୍ତର ଦେଇ ତୃଣମୃଳ ନେତା କହିଥିଲେ ଯେ, ଯାହା ହେଉ ମମତା ବାନାର୍ଜୀ ରାଜ୍ୟରେ କରୋନା ସ୍ଥିତିକୁ ନିୟନ୍ତ୍ରଣ ଆଣିଥିବା ବିଜେପି ନେତା ପରୋକ୍ଷରେ କହିଛନ୍ତି । ଏହାଠାରୁ ବଡ଼ ସାର୍ଟିଫିକେଟ୍ କ’ଣ ଅଛି ।

 

Opn Commnet Area

Leave a Reply

Your email address will not be published. Required fields are marked *