ବିଚ୍ ରାସ୍ତାରେ ମହିଳା ଡାକ୍ତରଙ୍କୁ ପିଟିଲେ ବିଜେପି କୃଷକ ମୋର୍ଚ୍ଚା ସମ୍ପାଦକ

ଭୁବନେଶ୍ୱର: ଗାଡ଼ି ସାଇଡ଼ କରିବାକୁ ନେଇ ରାଜଧାନୀରେ ମହିଳା ଡାକ୍ତରଙ୍କୁ ମାଡ଼ ଅଭିଯୋଗ । ଲକ୍ଷ୍ମୀସାଗର ଥାନାରେ ଅଭିଯୋଗ କଲେ ମହିଳା ଡାକ୍ତର । ଅଭିଯୋଗ ପରେ ମାଡ଼ ମାରିଥିବା ଯୁବକକୁ ଅଟକ ରଖିଛି ଲକ୍ଷ୍ମୀସାଗର ପୋଲିସ । ଅଟକ ଯୁବକ ବିଜେପି କୃଷକ ମୋର୍ଚ୍ଚାର ସମ୍ପାଦକ ବିଶ୍ବଜିତ ସ୍ବାଇଁ ବୋଲି ଜଣାପଡ଼ିଛି ।

ସୂଚନା ଅନୁସାରେ ମହିଳା ଡାକ୍ତର ଓ ତାଙ୍କ ମା’ ଗତକାଲି ରାତିରେ ସ୍କୁଟିରେ ଘରକୁ ଫେରୁଥିଲେ । ରାସ୍ତାରେ ଗାଡ଼ି ରଖିଥିଲେ ବିଶ୍ବଜିତ । ମହିଳା ତାଙ୍କୁ ଗାଡ଼ି ସାଇଡ କରିବାକୁ କହି ହର୍ଣ୍ଣ ମାରିଥିଲେ । ହେଲେ ପୂର୍ବରୁ ଡାକ୍ତର ଜଣଙ୍କ ତାଙ୍କ ଗାଡ଼ି ମିରରରେ ଗାଡ଼ି ବଜାଇଥିବା କହି ହଠାତ୍ ଡାକ୍ତରଙ୍କୁ ମାଡ଼ ମାରିଥିଲେ । ମହିଳା ଡାକ୍ତରଙ୍କ ମା’ ପ୍ରତିରୋଧ କରିବାକୁ ତାଙ୍କୁ ମଧ୍ୟ ଠେଲିଦେଇଥିବା ଅଭିଯୋଗ ହୋଇଛି ।