ଉପ ମୁଖ୍ୟମନ୍ତ୍ରୀ ପଦ ସହ ସନ୍ତୁଷ୍ଟ ଜେଜେପି, ପୁଣି କ୍ଷମତାକୁ ଫେରିବ ବିଜେପି

ହରିୟାଣାରେ ହେବ ମେଣ୍ଟ ସରକାର । ଜନନାୟକ ଜନତା ପାର୍ଟି ସହ ମିଶି ସରକାର ଗଢ଼ିବ ଭାରତୀୟ ଜନତା ପାର୍ଟି । ପ୍ରେସମିଟ୍‌ରେ ସୂଚନା ଦେଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ । ବିଜେପିରୁ ମୁଖ୍ୟମନ୍ତ୍ରୀ ଓ ଜେଜେପିରୁ ଉପ ମୁଖ୍ୟମନ୍ତ୍ରୀ ହେବାକୁ ନେଇ ହୋଇଛି ନିଷ୍ପତ୍ତି । ଶନିବାର ରାଜ୍ୟପାଳଙ୍କୁ ଭେଟି ସରକାର ଗଠନ ପାଇଁ ଦାବି ଜଣାଇବ ବିଜେପି । ଚଳିତ ନିର୍ବାଚନରେ ହରିୟାଣା ବିଧାନସଭାର ୯୦ଟି ସିଟ୍ ମଧ୍ୟରୁ  ବିଜେପି ୪୦, କଂଗ୍ରେସ ୩୧, ଜେଜେପି ୧୦, ଆଇଏଡ଼୍‌ଏଲ୍‌ଡିକୁ ୧ ସିଟ୍‌ ମିଳିଥିବା ବେଳେ ଅନ୍ୟ ୮ସିଟ୍‌ରେ ସ୍ୱାଧୀନ ପ୍ରାର୍ଥୀ ନିର୍ବାଚିତ ହୋଇଛନ୍ତି । ସରକାର ଗଠନ ପାଇଁ ମ୍ୟାଜିକ୍ ନମ୍ବର ୪୬ ଥିବାବେଳେ କେହିଁ ବି ଏକାକୀ ସଂଖ୍ୟା ଗରିଷ୍ଠତା ହାସଲ କରିପାରିନଥିଲେ ।  ଫଳରେ ସରକାର ଗଠନକୁ ନେଇ ଆରମ୍ଭ ହୋଇଥିଲା ଛକାପଞ୍ଛା । ଜେଜେପି ସମର୍ଥକ ବିଜେପି ସହ ଯିବାକୁ ଆଗ୍ରହୀ ଥିବା କହିଥିଲେ ଜେଜେପି ନେତା ଦୁଷ୍ୟନ୍ତ ଚୌତାଲ । ତେବେ ଆଜି ବିଜେପିକୁ ସମର୍ଥନ ପାଇଁ ରାଜି ହୋଇଛନ୍ତି ଚୌତାଲା । ଏଥିସହିତ ହରିୟାଣାରେ ସରକାର ଗଠନ ନେଇ ଲାଗିରିହିଥିବା ରାଜନୈତିକ ହଟଚମଟର ଅନ୍ତ ଘଟିଛି । ')}