ସରକାରୀ କାନ୍ଥରେ ବିଜେପି ଲେଖୁଛି ମିଛ ପ୍ରତିଶୃତି

ସମ୍ବଲପୁର : ସରକାରୀ କାନ୍ଥରେ ମିଛ ପ୍ରତିଶୃତି ଲେଖି ଲୋକଙ୍କୁ ଭ୍ରମିତ କରୁଛି ବିଜେପି । ସହରବାସୀଙ୍କୁ ମିଛକଥା କହି ପ୍ରଭାବିତ କରୁଛି ବିଜେପି । ଏହା ଖୋଲାଖୋଲି ଆଚରଣ ବିଧି ଉଲ୍ଲଂଘନ କହି ସମ୍ବଲପୁର ଜିଲ୍ଲାପାଳଙ୍କ ନିକଟରେ ଫେରାଦ ହୋଇଛି ବିଜେଡି । ଦଳ ଜିଲ୍ଲାପାଳଙ୍କ ମାଧ୍ୟମରେ ନିର୍ବାଚନ ଆୟୋଗଙ୍କୁ ଦାବିପତ୍ର ଦେଇଛି । ବିଜେଡି ମୁଖପାତ୍ର ସଞ୍ଜୟ ବାବୁଙ୍କ ନେତୃତ୍ବରେ ମୁଖପାତ୍ର ଲେନିନ ମହାନ୍ତିଙ୍କ ସହ ଏକ ଟିମ୍ ଜିଲ୍ଲାପାଳଙ୍କ ନିକଟରେ ଫେରାଦ ହୋଇଛି । କାହାକୁ ନଜଣାଇ କାନ୍ଥ ମାନଙ୍କରେ ବାରମ୍ବାର ମିଛ ପ୍ରତିଶ୍ରୁତି ଲେଖୁଥିବା ନେଇ ଅଭିଯୋଗ ହୋଇଛି । ଏହା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛି ଦଳ ।