ନୂଆପଡ଼ା : ନୂଆପଡାରେ ପୋଲିସକୁ ବ୍ୟବହାର କରୁଛି ବିଜେପି । ଉପନିର୍ବାଚନରେ ଭୟଭୀତ ବିଜେପି । ମୁନା ଖାଁ କହିଲେ ବସନ୍ତଙ୍କୁ ଅଣଦେଖା ମତଦାନକୁ କରିବ ପ୍ରଭାବିତ । ମଇଦାନକୁ ନବୀନ ଓହ୍ଲାଇଲେ ବିଗିଡିବ ସବୁ ଅଙ୍କ । ବିଜେପିକୁ ଘାରିଛି ଉପନିର୍ବାଚନ ହାରିବା ଭୟ । ନୂଆପଡାରେ ପୋଲିସ ବ୍ୟବହାର କରୁଛି ଦଳ । ସରକାରୀ କଳ ଲଗାଇ ଭୋଟରଙ୍କୁ ପ୍ରଭାବିତ କରିବାକୁ ବିଜେପି ଜାରୀ ରଖିଛି ପ୍ରୟାସ । କଂଗ୍ରେସ କାର୍ଯ୍ୟାଳୟରେ ପୋଲିସ ପଶିବା ଓ ଉପମୁଖ୍ୟମନ୍ତ୍ରୀ ନୂଆପଡାରେ ସୁଭଦ୍ରା ମେଳା ଆୟୋଜନ କରିବା ଏହାର ପ୍ରମାଣ । ନୂଆପଡା ଉପନିର୍ବାଚନରେ ସ୍ବଚ୍ଛ ଓ ଅବାଧ ନିର୍ବାଚନ ହେଉଛି ତ ବୋଲି ନିର୍ବାଚନ କମିଶନଙ୍କୁ ପ୍ରଶ୍ନ କରିଛି କଂଗ୍ରେସ । ନୂଆପଡା ଉପନିର୍ବାଚନ ଫଳାଫଳ ଏକ ନୂତନ ସମୀକରଣ ସୃଷ୍ଟି କରିବ ବୋଲି କଂଗ୍ରେସ କହିଛି । ନିର୍ବାଚନ ସମୟରେ କଣ ପାଇଁ ଡିଆଇଜିଙ୍କୁ ହଟାଇ ଆଇଜି ହିମାଂଶୁ ଲାଲଙ୍କୁ ଦାୟିତ୍ୱ ଦିଆଗଲା ବୋଲି ପ୍ରଶ୍ନ ଉଠାଇଛି କଂଗ୍ରେସ। କିଛି ଦିନ ତଳେ ନରେଶ ଅଗ୍ରୱାଲଙ୍କ ଠାରୁ ୭୦ ଲକ୍ଷ ଟଙ୍କା ସିଜ ହେଲା। ନରେଶ ଅଗ୍ରୱାଲ ଜଣେ ବିଜେପି ସାଂସଦଙ୍କ ସମ୍ପର୍କୀୟ। କାଇଁ ପୋଲିସ କିଛି ଆଖିଦୃଶିଆ ପଦକ୍ଷେପ ନେଲାନାହିଁ । ନୂଆପଡ଼ା କଂଗ୍ରେସ ଭବନରେ ପୋଲିସ ଯେପରି ପଶିଲା ତାକୁ ଦଳ ନିନ୍ଦା କରିଛି । ଗଣତନ୍ତ୍ରକୁ ନିର୍ବାଚନ କମିଶନ ସୁରକ୍ଷା ଦିଅନ୍ତୁ ବୋଲି କଂଗ୍ରେସ ଦାବି କରିଛି । ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ କହିଛନ୍ତି ବିରୋଧୀ ଶାସକ ଦଳକୁ ଆକ୍ଷେପ କରିବା କିଛି ନୂଆ ନୁହେଁ । ଯିଏ ଯେତେ ଯାହା କହିଲେ ବି ବିଜେପିର ସ୍ଥିତି ଯାହା ଆମେ ଜିତିବୁ।
ନିର୍ବାଚନ ତାରିଖ ଯେତେ ପାଖେଇ ଆସୁଛି ନୂଆପଡ଼ାରେ ବିଜେଡି ପ୍ରତି ଜନ ସମର୍ଥନ ସେତେ ବଢିବାରେ ଲାଗିଛି । ନଭେମ୍ବର ପ୍ରଥମ ସପ୍ତାହରେ ବିଜେଡି ସଭାପତି ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ପ୍ରଚାର ମଇଦାନକୁ ଓହ୍ଲାଇବେ । ନୂଆପଡାରେ ବିଜେଡି ବିଜୟୀ ହୋଇଥିଲା । ଉପନିର୍ବାଚନରେ ମଧ୍ୟ ନୂଆପଡାବାସୀ ବିଜେଡିକୁ ସୁନିଶ୍ଚିତ ବିଜୟୀ କରାଇବେ ବୋଲି ବିଜେଡି ସାଂସଦ ମୁନା ଖାଁ କହିଛନ୍ତି । ଆହୁ କହିଛନ୍ତି, ବସନ୍ତ ପଣ୍ଡା ପଣ୍ଡାଙ୍କ ମନରେ ଦୁଃଖ ଅଛି। ସେ ଜଣେ ପୁରୁଖା ଲୋକ। ତାଙ୍କୁ ଅଣଦେଖା କରାଗଲା। ସେ ଖୋଲା ଖୋଲି କହିପାରୁ ନାହାଁନ୍ତି। କିନ୍ତୁ ତାଙ୍କ ମନରେ ଦୁଃଖ ଅଛି। ଆଉ ତାହା ଭୋଟରେ ପ୍ରତିଫଳିତ ହେବ। ଦଳ ବାହାରୁ ଆଣି ପ୍ରାର୍ଥୀ ଦେଲେ ଅସନ୍ତୋଷ ରହିବା ସ୍ୱାଭାବିକ। ତେଣୁ ୮ ଛାଡି ୧୬ ମନ୍ତ୍ରୀ ଦାୟିତ୍ବରେ ରହିଲେ କିଛି ଫରକ ବିଜେଡି ଉପରେ ପଡିବନି । ବିଜେଡ଼ି ସୁନିଶ୍ଚିତ ବିଜୟି ହେବ।
ଉପନିର୍ବାଚନ ଲାଗି ନଭେମ୍ବର ୯ ତାରିଖ ଯାଏ ଜମିବ ପ୍ରଚାର । ବିଜେଡି ଗଡରକ୍ଷା କରିବା ପାଇଁ ଗ୍ରାଉଣ୍ଡରେ ଜୋରଦାର ପ୍ରଚାର କରୁଛି । ଅନ୍ୟପଟେ ଦୁଇ ଜାତୀୟ ଦଳ ବିଜେଡି ଗଡରେ ଧସେଇ ପଶିବାକୁ ଉଦ୍ୟମ ଜାରି ରଖିଛନ୍ତି ।
