ଭୋଟ ହାତେଇବାକୁ ଧର୍ମ ନାଁରେ ଶପଥପାଠ କରାଉଛି ବିଜେପି: ଏସ୍ଇସିଙ୍କ ନିକଟରେ ଫେରାଦ ହେଲା ବିଜେଡି
ଭୁବନେଶ୍ୱର: ଭୋଟ୍ ପୂର୍ବରୁ ଭୟଭୀତ ହୋଇପଡ଼ିଲାଣି ବିଜେପି । ଭୋଟ୍ ହାତେଇବାକୁ ଧର୍ମ ନାଁରେ ଶପଥପାଠ କରାଉଛନ୍ତି ବିଜେପି ବିଧାୟକ । ବିଜେପି ବିଧାୟକ ଦଳ ଉପନେତା ବିଷ୍ଣୁ ସେଠୀ ଭଗବାନଙ୍କ ନାଁରେ କର୍ମୀ ଓ ଭୋଟରଙ୍କୁ ଶପଥପାଠ କରାଉଛନ୍ତି । ଯାହାକି ନିର୍ବାଚନ ଆଚରଣବିଧିର ଖୋଲାଖୋଲି ଉଲ୍ଲଂଘନ । ଏହା ବିରୋଧରେ ରାଜ୍ୟ ନିର୍ବାଚନ କମିଶନଙ୍କ ନିକଟରେ ଅଭିଯୋଗ କରିଛି ବିଜେଡି । ବିଜେଡି ଅଭିଯୋଗ ଅନୁସାରେ ଗତ ୨୬ ତାରିଖରେ ଧାମନଗରରେ ଏକ ମନ୍ଦିରରେ ନିଜ ସମର୍ଥକଙ୍କୁ ଭୋଟ ଦେବାକୁ ଶପଥ କରାଇଥିଲେ ବିଜେପି ବିଧାୟକ । ଏହାର ପ୍ରମାଣ ଦେଇ ବିଷ୍ଣୁଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ବିଜେଡି ପ୍ରତିନିଧି ଦଳ ।
