ବାଲେଶ୍ୱର ଓ ତିର୍ତ୍ତୋଲ ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା ବିଜେପି

ଭୁବନେଶ୍ୱର: ବାଲେଶ୍ୱର ଓ ତିର୍ତ୍ତୋଲ ବିଧାନସଭା ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା ବିଜେପି । ବାଲେଶ୍ୱରରୁ ମାନସ କୁମାର ଦତ୍ତଙ୍କୁ ବିଜେପି ପ୍ରାର୍ଥୀ କରିଥିବା ବେଳେ ଜଗତସିଂହପୁରର ତିର୍ତ୍ତୋଲରୁ ରାଜ କିଶୋର ବେହେରାଙ୍କୁ ଦଳ ପ୍ରାର୍ଥୀ କରିଛି । ଏନେଇ କେନ୍ଦ୍ର ବିଜେପି ପକ୍ଷରୁ ବିଧିବଦ୍ଧ ଘୋଷଣା କରାଯାଇଛି । ମାନସ କୁମାର ଦତ୍ତ ହେଉଛନ୍ତି ପୂର୍ବତନ ବିଧାୟକ ମଦନ ମୋହନ ଦତ୍ତଙ୍କ ପୁଅ ।

Bharatiya Janata Party releases a list of candidates for the upcoming State Assembly by-elections to be held in Chhattisgarh, Gujarat, Jharkhand, Manipur and Odisha.#NandighoshaTV pic.twitter.com/0SF7QWnsBH

— NandighoshaTV (@NandighoshaTV) October 11, 2020

ବିଜେପିର କେନ୍ଦ୍ରୀୟ କମିଟି ପକ୍ଷରୁ ଓଡ଼ିଶା ସମେତ ଛତିଶଗଡ଼, ଗୁଜରାଟ, ମଣିପୁର ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରାଯାଇଛି । ଏହିପରି ମୋଟ ୧୬ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛି ବିଜେପି । ୧୬ ଜଣଙ୍କ ମଧ୍ୟରେ ଛତିଶଗଡ଼ର ଗୋଟିଏ ଆସନ ପାଇଁ ପ୍ରାର୍ଥୀ ଘୋଷଣା କରାଯାଇଥିବା ବେଳେ ଗୁଜରାଟର ୭, ଝାଡ଼ଖଣ୍ଡର ୨, ମଣିପୁରର ୪ ଜଣ ପ୍ରାର୍ଥୀ ରହିଛନ୍ତି ।