ପୂର୍ବ ସରକାରଙ୍କ ଅନେକ କାର୍ଯ୍ୟକ୍ରମକୁ କପି କରୁଛି ବିଜେପି

ନନ୍ଦିଘୋଷ ବ୍ୟୁରୋ: ପିରିୟଡ ଲିଭ୍ ପୁରୁଣା ବୋତଲରେ ନୂଆ ମଦ ଭଳି । ବିଜେଡି ସରକାରଙ୍କ ନିଷ୍ପତ୍ତିକୁ ନୂଆ ଚିଠି କରି କେବଳ ଉପସ୍ଥାପନ କରିଛି ବିଜେପି ସରକାର । ମହିଳାଙ୍କ ପାଇଁ ୧୦ ଦିନ ଅତିରିକ୍ତ ଛୁଟି ନିର୍ଦ୍ଦେଶକୁ ନେଇ ବିଜେଡି ଏପରି ପ୍ରତିକ୍ରିୟା ରଖିଛି । ଗତ ମାର୍ଚ୍ଚ ମାସରେ ନବୀନ ସରକାର ଏ ସମ୍ପର୍କରେ ଘୋଷଣା କରି ଅର୍ଡର ପାସ କରିଥିଲେ। ଓଡିଶାରେ ମହିଳା ଯଦି ସଶକ୍ତ ହୋଇଛନ୍ତି ତାହା କେବଳ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲାଗି ହୋଇଛନ୍ତି । ମହିଳା ମାନଙ୍କର ଋତୁସ୍ରାବ ଛୁଟି ପ୍ରସଙ୍ଗରେ ୧୨ ମାର୍ଚ୍ଚ ୨୦୨୪ରେ ଲିଭ ଅର୍ଡରକୁ ପାସ କରିଥିଲେ ନବୀନ । ଏବେ ପୁରୁଣା ଅର୍ଡରକୁ ନୂଆ ଚିଠି କରିଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା । ଗତକାଲିର ତାରିଖରେ ଚିଠି କରି ଏହାକୁ ନେଇ ଖୁସି ହେଉଛନ୍ତି। ବିଜେଡି କରିଥିବା ଜିନିଷକୁ ନିଜେ କରି ବାଃ ବାଃ ନେବା ବିଜେପି ସରକାର ପାଇଁ ନୂଆ କଥା ନୁହେଁ । କିଛି ନୂଆ କରି ଦେଖାଇବା ଭାରତୀୟ ଜନତା ପାର୍ଟି ଶିଖିନି । ବିଜେଡି କରିଥିବା କାମକୁ ନୂଆ କରିଥିବା ଭାବି ଖୁସି ହେଉଛନ୍ତି ବୋଲି କହିଛି ବିଜେଡି ।