ରାଜନେତାଙ୍କ ହାଇପ୍ରୋଫାଇଲ ଡ୍ରାମା, ପରୀ ବାପା-ମାଆଙ୍କୁ ହାଇଜାକ କରି ଚାଲିଛି ଶସ୍ତା ରାଜନୀତି

ନୟାଗଡ଼: ପରୀ ମୃତ୍ୟୁ ନେଇ ଥମିବାର ନା ନେଉନାହିଁ ରାଜନୀତି  ।  ହୀନ ରାଜନୀତି କରିବାକୁ ବି ପଛାଉନାହାନ୍ତି ବିଜେପି ନେତା  ।  ପରୀ ମୃତ୍ୟୁକୁ ରାଜନୈତିକ ପ୍ରସଙ୍ଗ କରି ମାଇଲେଜ ନେବାକୁ ଯୋଜନା ଚଳାଇଛି ବିଜେପି  ।  ନୟାଗଡ ସହରରେ ଅନିର୍ଦ୍ଧିଷ୍ଟ କାଳର ଧାରଣାରେ ବିଜେପି ପରୀ ବାପା ମାଙ୍କୁ ବି ବସାଇଛି  ।  ପରୀର ବାପା ମାଆଙ୍କୁ ହାଇଜାକ କରି  ନିଜର ଏଜେଣ୍ଡା ଚଳାଇଛି ବିଜେପି  ।  ପରୀକୁ ନ୍ୟାୟ ଦେବା ନାଁରେ ଏଭଳି ନାଟକବାଜି ଚଳାଇଛି ଦଳ ।  ଏସଆଇଟି ତଦନ୍ତ କରୁଥିବାବେଳେ ତାଙ୍କ କାର୍ଯ୍ୟ ଦକ୍ଷତା ଉପରେ ପ୍ରଶ୍ନ ନଉଠାଇ ସହଯୋଗ କରିବାକୁ ନୟାଗଡବାସୀ କହିଛନ୍ତି  ।

ପରୀକୁ ନ୍ୟାୟ ଦେବା ଆଳରେ ବିରୋଧି ବିଜେପି ଓ କଂଗ୍ରେସ ନିଜ ନିଜର ପ୍ରଚାର ପ୍ରସାର ଚଳାଇଛନ୍ତି  ।  ମାଇଲେଜ ନେବା ପାଇଁ ବିଜେପି ଓ କଂଗ୍ରେସ ମଧ୍ୟରେ ଚାଲିଛି ପ୍ରତିଯୋଗୀତା  । କିଏ ଧାରଣା ଦେଉଛି ତ କିଏ ଦଳୀୟ ସମାବେଶ କରୁଛି  ।  ପଦଯାତ୍ରା ପାଇଁ ବି ବିଜେପି ସଜବାଜ ହେଲାଣି  ।  ଏସବୁ ଘଟଣାରେ ଯଦୁପୁର ଗ୍ରାମବାସୀ ଅତିଷ୍ଟ ହୋଇପଡିଲେଣି  ।  ରାଜନେତା ଆସୁଛନ୍ତି ଯାଉଛନ୍ତି  । ହୋ ହଲ୍ଲା କରି ନିର୍ବାଚନ ଭଳି ପ୍ରଚାର ପ୍ରସାର କରୁଛନ୍ତି  ।  ଏଭଳି ନାଟକବାଜିରେ ପରୀକୁ ନ୍ୟାୟ ମିଳିବ ନାହିଁ ବୋଲି ଯଦୁପୁର ଗ୍ରାମବାସୀ କହିଛନ୍ତି  ।

ପରୀ ଦୁଷ୍କର୍ମକାରୀ ତଥା ହତ୍ୟାକାରୀ ପାଖରେ ପହଞ୍ଚିସାରିଛି ଏସଆଇଟି  ।  ଖୁବ ଶୀଘ୍ର ଅଭିଯୁକ୍ତର ଅସଲମୁଖା ବି ଖୋଲିଯିବ  ।  ଗଳାଫାଟି ଚିତ୍କାର କରୁଥିବା ବିରୋଧି ଦଳର ନେତା ବୋଧ ହୁଏ ଏହି ଡରରେ ରହିଛନ୍ତି  । କାରଣ ସତ ଜଣାପଡିଲେ ବିରୋଧିଙ୍କ ପାଖରେ ନଥିବ ଏହି ମିଛ କାହାଣୀର ପ୍ରସଙ୍ଗ  ।