ସୁନ୍ଦରଗଡ଼ରେ ବଢ଼ୁଛି ବିଜେଡି ଶକ୍ତି, କୋଇଡା ବ୍ଲକ ଅଧ୍ୟକ୍ଷାଙ୍କ ସହ ଶତାଧିକ କର୍ମୀ ଦଳରେ ସାମିଲ୍
ରାଉରକେଲା: ସୁନ୍ଦରଗଡ଼ରେ ଆହୁରି ଶକ୍ତିଶାଳୀ ହେଉଛି ବିଜେଡି । ଦଳର ସାଂଗଠନିକ ସାଧାରଣ ସମ୍ପାଦକଙ୍କ ଉପସ୍ଥିତିରେ କୋଇଡ଼ାରେ ମହାମିଶ୍ରଣ ପର୍ବ ଅନୁଷ୍ଠିତ ହୋଇଛି । ବିଜେଡିରେ କୋଇଡା ବ୍ଲକ ଅଧ୍ୟକ୍ଷା ରୀନାରାଣୀ କୁମୁଡିଆଲ ଯୋଗ ଦେଇଛନ୍ତି । ବ୍ଲକ ଅଧ୍ୟକ୍ଷାଙ୍କ ସହ ତାଙ୍କର ଶତାଧିକ ସମର୍ଥକ ବିଜେଡିରେ ସାମିଲ ହୋଇଛନ୍ତି ।
ଏହି ମିଶ୍ରଣ ପର୍ବରେ ବଣେଇ ନିର୍ବାଚନ ମଣ୍ଡଳୀର ବିଜେପି, କଂଗ୍ରେସ, ଓ ସିପିଆଇ(ଏମ୍)ର ଶତାଧିକ ନେତା ଓ କର୍ମୀ ବିଜେଡିରେ ଯୋଗ ଦେଇଛନ୍ତି । ମହାମିଶ୍ରଣ ପର୍ବରେ ସୁନ୍ଦରଗଡ଼ ଜିଲ୍ଲା ପର୍ଯ୍ୟବେକ୍ଷକ ତଥା ବିଧାୟକ ପ୍ରୀତିରଞ୍ଜନ ଘଡେଇ, ରାଉରକେଲା ବିଧାୟକ ସାରଦା ପ୍ରସାଦ ନାୟକ ଉପସ୍ଥିତି ରହିଥିଲେ ।
