୨୪ ମହାଲଢ଼େଇ ପାଇଁ ବିଜେଡିର ବଡ଼ ପ୍ରସ୍ତୁତି, ପ୍ରଶିକ୍ଷଣ ନେଉଛନ୍ତି ତୃଣମୂଳ କର୍ମୀ ଓ ନେତା
ଯାଜପୁର: ବିଜେଡି ସଂଗଠନ ତୃଣମୂଳସ୍ତରରୁ ଅଧିକ ଶକ୍ତିଶାଳୀ ହେବ । ଦେଢ଼କୋଟି ଭୋଟ୍ ଲକ୍ଷ୍ୟ ପୂରଣ ପାଇଁ ମୁଖ୍ୟ ସାରଥି ସାଜିବେ ଦଳର କର୍ମୀ । ଏଥିପାଇଁ ବିଜେଡି ନୂଆ ଷ୍ଟ୍ରାଟେଜି ଆପଣାଇଛି । ଯାଜପୁର ଜିଲ୍ଲା ଧର୍ମଶାଳାରେ ଆରମ୍ଭ ହୋଇଛି ବିଜେଡି ପ୍ରଶିକ୍ଷଣ ଶିବିର। କଳ୍ପତରୁ ଦାସ ଷ୍ଟାଡିଅମ ପରିସରରେ ଶିବିରକୁ ଅନୁଷ୍ଠାନିକ ଭାବେ ବିଧାୟକ ଅରୁଣ ସାହୁ ଉଦଘାଟନ କରିଛନ୍ତି।
ପ୍ରଶିକ୍ଷଣ ଶିବିରରେ ଧର୍ମଶାଳା ନିର୍ବାଚନମଣ୍ଡଳୀର ବିଜୁ ଯୁବ, ଛାତ୍ର ଓ ମହିଳା ଜନତା ଦଳର କର୍ମକର୍ତ୍ତା ଓ ବିଭିନ୍ନ ପଞ୍ଚାୟତର ନିର୍ବାଚିତ ପ୍ରତିନିଧି ଯୋଗଦେଇଛନ୍ତି। ପୂର୍ବତନ ମନ୍ତ୍ରୀ ଓ ବିଧାୟକ ପ୍ରଶିକ୍ଷଣ ଦେଉଛନ୍ତି। ତୃଣମୂଳସ୍ତରରେ କିଭଳି ଦଳକୁ ମଜବୁତ କରାଯିବ ଓ ରାଜ୍ୟ ସରକାରଙ୍କ ବିକାଶମୂଳକ କାର୍ଯ୍ୟ ଲୋକଙ୍କ ପାଖରେ ପହଞ୍ଚିବେ, ସେନେଇ ପ୍ରଶିକ୍ଷଣ ଦିଆଯାଉଛି। ଆଗାମୀ ଦିନରେ ରାଜ୍ୟର ବିଭିନ୍ନ ନିର୍ବାଚନମଣ୍ଡଳୀରେ ବିଜେଡି ପକ୍ଷରୁ ପ୍ରଶିକ୍ଷଣ ଶିବିର ଆୟୋଜନ କରାଯିବ।
