ଭୁବନେଶ୍ୱର: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରଚାରରେ ଆଇଏଫଏସ୍ ଅଫିସର ବିନୟ ପ୍ରଧାନ ସହଯୋଗ କରୁଥିବା ଅଭିଯୋଗ। ଏନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ବିଜେଡି ଫେରାଦ ହୋଇଛି। ବିନୟ ପ୍ରଧାନ କନସଲ ଜେନରାଲ ଭାବେ ଆମେରିକାରେ କାର୍ଯ୍ୟରତ ରହିଛନ୍ତି। ଏବେ ଛୁଟିରେ ଆସି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତଥା ବିଜେପି ସମ୍ବଲପୁର ଲୋକସଭା ଆସନ ପ୍ରାର୍ଥୀଙ୍କ ପାଇଁ ପ୍ରଚାର ଦାୟିତ୍ଵ ତୁଲାଉଛନ୍ତି।
ଧର୍ମେନ୍ଦ୍ର ପ୍ରଧାନ କେନ୍ଦ୍ର ସରକାରରେ ପେଟ୍ରୋଲିୟମ ମନ୍ତ୍ରୀ ଥିବା ବେଳେ ବିନୟ ପ୍ରଧାନ ତାଙ୍କ ଓଏସଡି ଥିଲେ। ସେ ଧର୍ମେନ୍ଦ୍ରଙ୍କ ପାଇଁ କାମ କରୁଥିବାରୁ ମୁକ୍ତ ଓ ଅବାଧ ନିର୍ବାଚନ ହୋଇପାରିବ ନାହିଁ। ତେଣୁ ବିନୟ କାର୍ଯ୍ୟରତ ଥିବା ସ୍ଥାନକୁ ପ୍ରତ୍ୟାବର୍ତ୍ତନ କରିବାକୁ ବିଜେଡି ଦାବି କରିଛି। ଏହା ସହ ତାଙ୍କର ମୋବାଇଲ ଟ୍ରାକିଂ ଓ ସିଡିଆର୍ ଯାଞ୍ଚ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ।
କାର୍ଯ୍ୟାନୁଷ୍ଠାନ ପାଇଁ ପୂର୍ବରୁ ନିର୍ବାଚନ କମିଶନଙ୍କୁ ମେଲ୍ ଜରିଆରେ ବିଜେଡି ଦାବି କରିଥିଲା। ଆଜି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟି ବିଜେଡି ପ୍ରତିନିଧି କାର୍ଯ୍ଯାନୁଷ୍ଠାନ ପାଇଁ ଦାବି କରିଛନ୍ତି।
