ବିଜେଡି କର୍ମୀଙ୍କୁ କଂଗ୍ରେସ କର୍ମୀଙ୍କ ଆକ୍ରମଣ

ବାସୁଦେବପୁର: ପଞ୍ଚାୟତ ନିର୍ବାଚନ ସରିଥିଲେ ବି ବିରୋଧୀଙ୍କ ହିଂସାତ୍ମକ ଆଚରଣ ଶେଷ ହେଉନାହିଁ । ବିଭିନ୍ନ ସ୍ଥାନରେ ନିର୍ବାଚନ ପୂର୍ବରୁ ଦେଖା ଦେଇଥିବା ରାଜେନୖତିକ ହିଂସା ନିର୍ବାଚନ ପରେ ବି ଜାରି ରହିଛି । ଭଦ୍ରକ ବାସୁଦେବପୁର ଲକ୍ଷ୍ମୀଦାସପୁର ପଞ୍ଚାୟତ ବନ୍ଧସାହିରେ ଦେଖିବାକୁ ମିଳିଛି ରାଜନୈତିକ ହିଂସା ।

ଏଠାରେ ବିଜେଡି କର୍ମୀଙ୍କୁ କଂଗ୍ରେସ କର୍ମୀ ସଂଘବଦ୍ଧ ଆକ୍ରମଣ କରିଛନ୍ତି । ଆକ୍ରମଣରେ ୪ ଜଣ ବିଜେଡି କର୍ମୀ ଆହତ ହୋଇଛନ୍ତି । ଆହତମାନଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି ।

ଅଭିଯୋଗ ଅନୁସାରେ, ଆଜି କଂଗ୍ରେସ କର୍ମୀ ବନ୍ଧସାହିରେ ପଶିଥିଲେ । ଏହାପରେ ଆରମ୍ଭ କରି ଦେଇଥିଲେ ଭଙ୍ଗାରୁଜା । ଆଖି ଆଗରେ ଯାହା ଦେଖିଲେ ଭାଙ୍ଗିବାକୁ ଲାଗିଲେ । ଯିଏ ହାବୁଡରେ ପଡିଲା ତାକୁ କଲେ ଆକ୍ରମଣ । କଂଗ୍ରେସ କର୍ମୀଙ୍କ ଆକ୍ରମଣରେ ୪ ବିଜେଡି କର୍ମୀ ଆହତ ହୋଇଛନ୍ତି । ସେମାନଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି ।