ଆଗାମୀ ସାଧାରଣ ନିର୍ବାଚନରେ ୧୨୫ ଆସନ ଜିତିବ ବିଜେଡି: ସୁଶାନ୍ତ ସିଂ

ଭୁବନେଶ୍ୱର: ୨୦୨୪ରେ ବିଜେଡିର ମିଶନ ୧୨୫ । ୨୦୨୪ ସାଧାରଣ ନିର୍ବାଚନରେ ବିଧାନସଭାର ୧୪୭ ଆସନରୁ ୧୨୫ ଆସନରେ ବିଜେଡି ଜିତିବ । ପଶ୍ଚିମ ଓଡ଼ିଶାର ୩୬ ଆସନରୁ ୩୦ରୁ ଅଧିକ ଆସନରେ ବିଜେଡି ଜିତିବ ବୋଲି ବିଧାୟକ ସୁଶାନ୍ତ ସିଂ ଦୃଢ଼ୋକ୍ତି ପ୍ରକାଶ କରିଛନ୍ତି । ପଦମପୁର ଉପନିର୍ବାଚନରୁ ଏହି ସଂକେତ ମିଳିଛି । ୨୦୨୪ରେ ପୁଣି ପଶ୍ଚିମ ଓଡିଶାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ବାଚନ ଲଢ଼ିବା ପାଇଁ ଅନୁରୋଧ କରାଯିବ ।

ଆସନ୍ତା ଜାନୁୟାରୀ ମାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଦମପୁର ଯାଇପାରନ୍ତି । ବିଧାୟକ ସୁଶାନ୍ତ ସିଂହ ଏହି ସୂଚନା ଦେଇଛନ୍ତି । ସେ ଆଗକୁ କହିଛନ୍ତି ୨୦୧୯ରେ ଯେଉଁ ଆସନରେ ବିଜେଡି ପରାଜିତ ହୋଇଥିଲା ତାର ତର୍ଜମା କରାଯାଇଛି । ସେ ଆସନ ଗୁଡିକୁ କିପରି ପୁଣି ଜିତି ପାରିବୁ ସେନେଇ ରଣନୀତି ପ୍ରସ୍ତୁତ ହୋଇଛି । ନବୀନ ସରକାର ବିକାଶ କାର୍ଯ୍ୟ ଜାରି ରଖିଛନ୍ତି । ଲୋକଙ୍କ ଭରସା ମଧ୍ୟ ରହିଛି । ଆଗାମୀ ନିର୍ବାଚନରେ ଆମେ ବିପୁଳ ମାତ୍ରାରେ ବିଜୟୀ ହେବୁ ।