ଗୁଣ୍ଡାଗିରି କରୁଛନ୍ତି ବିଶ୍ୱେଶ୍ୱର, ଲୋକଙ୍କୁ କହିବ ବିଜେଡି
ଭୁବନେଶ୍ୱର: କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ଗୁଣ୍ଡାଗିରିକୁ ସବୁଠି ଛି ଛାକର କରାଯାଉଛି । ମନ୍ତ୍ରୀଙ୍କ କାର୍ଯ୍ୟକଳାପକୁ ବିଜେଡି ପକ୍ଷରୁ ନିନ୍ଦା କରାଯିବା ସହ ବହିଷ୍କାର ପାଇଁ ଦାବି ହୋଇଛି । ଘଟଣାରେ କେନ୍ଦ୍ର ସରକାର ଯଥାଶୀଘ୍ର ପଦକ୍ଷେପ ନନେଲେ, ଦଳ ପକ୍ଷରୁ ଲୋକଙ୍କ ନିକଟରେ ପହଞ୍ଚି ମନ୍ତ୍ରୀଙ୍କ କାର୍ଯ୍ୟକଳାପ ବିଷୟରେ ଅବଗତ କରାଯିବ ବୋଲି ବିଜେଡି ପକ୍ଷରୁ କୁହାଯାଇଛି । ବାରମ୍ବାର ସରକାରୀ ଅଧିକାରୀଙ୍କୁ ଗାଳିଗୁଲଜ ଓ ଆକ୍ରମଣ କରି ସମାଲୋଚନାର ସରବ୍ୟ ହୋଉଛନ୍ତି ବିଶ୍ୱେଶ୍ୱର ।
ତଥାପି ନିଜ ସ୍ୱଭାବରେ ପରିବର୍ତ୍ତନ କରୁନଥିବା ଦଳ ଅଭିଯୋଗ ଆଣିଛି । ମୟୂରଭଞ୍ଜ ଜିଲ୍ଲାପାଳଙ୍କ କାର୍ଯ୍ୟାଳୟର ଜିଲ୍ଲା ଯୋଜନା ଓ ପର୍ଯ୍ୟବେକ୍ଷଣ କେନ୍ଦ୍ରର ଦୁଇ କର୍ମଚାରୀ ଅଶ୍ୱନି କୁମାର ମଲ୍ଲିକ ଓ ଦେବାଶିଷ ମହାପାତ୍ରଙ୍କୁ କେନ୍ଦ୍ରମନ୍ତ୍ରୀ ଆକ୍ରମଣ କରିଥିବା ଅଭିଯୋଗ ହୋଇଛି । ଆକ୍ରମଣରେ ଦେବାଶିଷଙ୍କ ହାତ ଭାଙ୍ଗି ଯାଇଥିବା ବେଳେ, କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଛି ।
ଏନେଇ ଜିଲ୍ଳାପାଳଙ୍କୁ ଅବଗତ କରାଯିବା ସହ ଥାନାରେ ମାମାଲା ହୋଇଛି । ବିଜେଡି ପକ୍ଷରୁ ଆୟୋଜିତ ସମ୍ବାଦିକ ସମ୍ମିଳନୀରେ ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡି, ପୂର୍ବତନ ଉପବାସ୍ପପତି ସାନନ୍ଦ ମାରାଣ୍ଡି, ବିଜେଡ଼ି ରାଜ୍ୟ ସମ୍ପାଦକ ଦେବାଶିଷ ମାରାଣ୍ଡିଙ୍କ ଉପସ୍ଥିତ ଥିଲେ ।
