ବିରୋଧୀଙ୍କ ହୀନ ରାଜନୀତିକୁ ବିଜେଡିର କଡ଼ା ଜବାବ, ଦିଲ୍ଲୀରୁ ଦୌଲତାବାଦ ନଦୌଡ଼ି ଲୋକଙ୍କ ପାଖରେ ପହଞ୍ଚ

ଭୁବନେଶ୍ବର: ଜନସେବା ରାଜ୍ୟ ସରକାରଙ୍କ ମୂଳମନ୍ତ୍ର । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଲୋକଙ୍କ ସେବା ପାଇଁ ମନ୍ତ୍ରୀ, ମୁଖ୍ୟ ଶାସନ ସଚିବ, ଉନ୍ନୟନ ସଚିବ, 5T ସଚିବ ଲୋକଙ୍କ ପାଖକୁ ଯାଇ ସେମାନଙ୍କ ସୁଖଦୁଃଖ ବୁଝୁଛନ୍ତି । ଏଥିରେ ଲୋକମାନେ ଖୁସି ହେଉଛନ୍ତି । ହେଲେ କିଛି ଲୋକ ଭୁବନେଶ୍ବରରେ ବସି ଦିଲ୍ଲୀରୁ ଦୌଲତାବାଦ ଦଉଡୁଛନ୍ତି । ସେମାନଙ୍କ କଥା ଲୋକେ ଗ୍ରହଣ କରୁନାହାନ୍ତି ବୋଲି ଯୋଗାଣ ମନ୍ତ୍ରୀ ଅତୁନ ସବ୍ୟସାଚୀ ନାୟକ କହିଛନ୍ତି । ବିରୋଧୀଙ୍କ ହୀନ ରାଜନୀତିକୁ ଏମିତି ଦୃଢ ଜବାବ ଦେଇଛି ବିଜେଡି ।

ଲୋକଙ୍କ ପାଖକୁ ଯାଉଛି ବିଜେଡି । ଗ୍ରାଉଣ୍ଡରେ ଲୋକଙ୍କର ସୁଖ ଦୁଃଖ ବୁଝୁଛନ୍ତି ସରକାର । ମନ୍ତ୍ରୀ, ମୁଖ୍ୟ ଶାସନ ସଚିବ, ଉନ୍ନୟନ କମିଶନର, 5T ସଚିବ ଜିଲ୍ଲା ଗସ୍ତ କରୁଛନ୍ତି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଲୋକଙ୍କ ପାଖକୁ ଯାଇ ଜନସେବା ଜାରି ରଖିଛନ୍ତି । 5T ସଚିବଙ୍କ ଗସ୍ତକୁ ନେଇ ବିରୋଧୀ ହୀନ ରାଜନୀତି ଓ ତୁମ୍ବିତୋଫାନ କରିବା ପରେ ବିରୋଧୀଙ୍କୁ କଡ଼ା ଜବାବ ଦେଇଛି ବିଜେଡି । ବିରୋଧୀଙ୍କୁ ଦିଲ୍ଲୀରୁ ଦୌଲତାବାଦ ନଦଉଡ଼ି ଲୋକଙ୍କ ପାଖକୁ ଯିବାକୁ ପରାମର୍ଶ ଦେଇଛନ୍ତି ଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକ । ଅନ୍ୟପଟେ 5T ସଚିବ ଭି.କେ. ପାଣ୍ଡିଆନ ବିକାଶ ଓ ଲୋକଙ୍କ କାମ ପାଇଁ ଜିଲ୍ଲାଗସ୍ତ କରୁଥିବାରୁ ଲୋକେ ଖୁସି ହେଉଛନ୍ତି । ଲୋକ ଯଦି ଖୁସି ଭୁବନେଶ୍ବରରେ କାହାର ଫିଡବ୍ୟାକ ଦରକାର । ଗାଁକୁ ଯାଇ ଲୋକଙ୍କୁ ପଚାରିବାକୁ ବିରୋଧୀଙ୍କୁ ପରାମର୍ଶ ଦେଇଛି ବିଜେଡି ।

5T ସଚିବଙ୍କ ଗସ୍ତକୁ ନେଇ କାହିଁକି ବିଜେପି ବିରୋଧ କରୁଛି, ବିଜେଡି ତା’ର ଗୁମର ଖୋଲିଛି । ବିଜେଡିର ନେତା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ହେଲେ ରାଜ୍ୟ ବିଜେପିର କ୍ୟାପେଟନ କିଏ ? ସେକଥା ବିଜେପି ନେତାଙ୍କୁ ଜଣାନାହିଁ । ବିଭିନ୍ନ ସମସ୍ୟାରେ ବିଜେପି ଘାଣ୍ଟି ହେଉଛି । କାହା ନିର୍ଦ୍ଦେଶରେ କେଉଁଠି ଯିବେ, ସେମାନେ ବାଟ ପାଉନାହାନ୍ତି । ପ୍ରଥମେ ବିଜେପି କ୍ୟାପଟେନ ସ୍ଥିର କରୁ, ତା’ପରେ ଲୋକଙ୍କ ପାଖକୁ ଯିବାକୁ ପରାମର୍ଶ ଦେଇଛି ବିଜେଡି ।