ପୋଲାଭରମ ନେଇ ଆରପାର ଲଢ଼େଇ, ଆସନ୍ତାକାଲି ବିଜେଡି କରିବ ଗର୍ଜନ

ଭୁବନେଶ୍ବର: ପୋଲାଭରମକୁ ନେଇ ମିଳିତ କ୍ରିୟାନୁଷ୍ଠାନର ଗଣସଂଗ୍ରାମ । ଆସନ୍ତାକାଲି ବିଜେଡି କରିବ ଗର୍ଜନ । ଡବଲ ଇଞ୍ଜିନ ସରକାରଙ୍କ ନିରବତା ନେଇ ଉଠାଇଛନ୍ତି ପ୍ରଶ୍ନ । ଓଡ଼ିଆ ଅସ୍ମିତା କଥା କହୁଥିବା ସରକାରରେ ବିପଦରେ ଓଡ଼ିଆ । ପୋଲାଭରମ ପାଇଁ ଭିଟାମାଟି ଛାଡିବେ ଆଦିବାସୀ । ଜଳମଗ୍ନ ହେବା ଏକାଧିକ ଗାଁ । ବୁଡ଼ିଯିବ ମାଲକାନଗିର ଓ ପଡ଼ିଆ ବ୍ଲକର ଅନେକ ଗ୍ରାମ । ହେଲେ ଏବେ ଅସ୍ମିତା କଥା ଭୁଲି ଯାଇଛନ୍ତି ରାଜ୍ୟ ସରକାର । ବିରୋଧ କରିବେ କ’ଣ ଓଲଟା ପ୍ରକଳ୍ପକୁ ସମର୍ଥନ କରୁଛନ୍ତି । ବିଜେପିରୁ ୨୦ ସାଂସଦ ଥିଲେ ମଧ୍ୟ କେହି ସ୍ଵର ଉତ୍ତୋଳନ କରୁନାହାନ୍ତି । ପ୍ରତିବାଦ କରି ଆସନ୍ତାକାଲି ଗର୍ଜିବ ମିଳିତ କ୍ରିୟାନୁଷ୍ଠାନ କମିଟି ।

ପୋଲାଭରମକୁ ନେଇ କାଲି ହେବ ଆରପାର ଲଢେଇ । ମାଆ ମାଟିର ସୁରକ୍ଷା ନେଇ ଗର୍ଜନ କରିବ ବିଜେଡି । ବିଜେଡି ମିଳିତ କ୍ରିୟାନୁଷ୍ଠାନ କମିଟିର କାଲି ଆନ୍ଦାଳନ । ପ୍ରକଳ୍ପ ହେଲେ ଲାଭବାନ ହବ ଆନ୍ଧ୍ର ହେଲେ ଓଡ଼ିଶାର ହେବ କ୍ଷତି । ମାଲକାନଗିରି ଜିଲ୍ଲାର କାଲିମେଳା ଓ ପଡିଆ ବ୍ଲକ ବହୁମାତ୍ରାରେ କ୍ଷତିଗ୍ରସ୍ତ ହେବ । ପରୋକ୍ଷ ଭାବେ ମାଥିଲି ଆଉ କୋରକୋଣ୍ଡା ଅଞ୍ଚଳରେ ସୃଷ୍ଟି ହେବ ବନ୍ୟା ପରିସ୍ଥିତି । ବାସଚ୍ୟୁତ ହେବେ ହଜାର ହଜାର  ଆଦିବାସୀ । ପ୍ରକଳ୍ପ ଦ୍ବାରା ପ୍ରଭାବିତ ହେବାକୁ ଥିବା ଛତିଶଗଡ଼, ତେଲଙ୍ଗାନା ଓ ଓଡ଼ିଶାର ବହୁ ସାମାଜିକ ସଂଗଠନ ପକ୍ଷରୁ ମିଳିତ କ୍ରିୟାନୁଷ୍ଠାନ କମିଟିର ସମାବେଶ ଅନୁଷ୍ଠିତ ହେବ । ପୋଲାଭରମ ପ୍ରକଳ୍ପକୁ ଜାତୀୟ ମାନ୍ୟତା ଦେଇ ପ୍ରକଳ୍ପ ଲାଗି ୧୫ ହଜାର କୋଟି ଅନୁଦାନ ଦେଇଛନ୍ତି କେନ୍ଦ୍ର ସରକାର । ଏଥିସହ ବ୍ୟାକ ୱାଟର ଯୋଗୁଁ ପ୍ରଭାବିତ ହେବ ଓଡ଼ିଶାର ବହୁ ଆଦିବାସୀ ଗାଁ । ଏହାକୁ ନେଇ ଆସନ୍ତାକାଲି ପୋଲାଭରମ ବିରୋଧୀ ମିଳିତ କ୍ରିୟାନୁଷ୍ଠାନ କମିଟି ଜଳଯାତ୍ରା କରି କରିବ ବିକ୍ଷୋଭ ପ୍ରଦର୍ଶନ ।

ଅନ୍ୟପକ୍ଷେ ପୋଲାଭରମ ପ୍ରକଳ୍ପକୁ ବିରୋଧ କରି ଆସୁଛି ବିଜୁ ଜନତା ଦଳ । ପ୍ରକଳ୍ପକୁ ବନ୍ଦ କରିବାକୁ ବିକ୍ଷୋଭ କରିବା ସହ ପ୍ରଧାମନ୍ତ୍ରୀଙ୍କୁ ଚିଠି ଲେଖିଥିଲେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପୋଲାଭରମ ପ୍ରକଳ୍ପକୁ କେନ୍ଦ୍ର ଆର୍ଥିକ ଅନୁଦାନ ଦେଇଥିବା ବେଳେ ଚୁପ ବସିଛି ରାଜ୍ୟର ଡବଲ ଇଞ୍ଜିନ ସରକାର । ଆପତ୍ତି ନକରି ବରଂ ସମର୍ଥନ ଜଣାଇଛନ୍ତି । ଆଦିବାସୀଙ୍କ ବ୍ୟାପକ କ୍ଷତି ହେବାକୁ ଯାଉଥିବାବେଳେ ରାଜ୍ୟ ସରକାର ଚୁପ ବସିଛନ୍ତି । ଅସ୍ମିତା କେବଳ ସ୍ଲୋଗାନରେ ରହିଯାଇଛି । ବିଜେପିରୁ ୨୦ ସାଂସଦ ଥିବାବେଳେ ସଂସଦରେ ପଦୁଟିଏ ପ୍ରଶ୍ନ ଉଠାଇନାହାନ୍ତି । ଏଠି ଅସ୍ମିତା କୁଆଡେ ଗଲା ବୋଲି ପ୍ରଶ୍ନ କରିଛି ବିଜେଡି ।