ବିଜେଡିର ପ୍ରତିଷ୍ଠା ଦିବସରେ କରାଯିବ ସାଇକେଲ୍ ରାଲି

ଭୁବନେଶ୍ୱର: ଶଙ୍ଖ ଭବନରେ ବସିବ ଯୁବ ଓ ଛାତ୍ର ବିଜେଡିର ବୈଠକ। ବୈଠକରେ ଆସନ୍ତା ପ୍ରତିଷ୍ଠା ଦିବସ ସମ୍ପର୍କରେ କରାଯିବ ଆଲୋଚନା। ବିଜେଡି ପ୍ରତିଷ୍ଠା ଦିବସରେ ବିଶାଳ ସାଇକେଲ ରାଲି କରାଯିବ। ଆସନ୍ତା ୨୬ ତାରିଖରେ ହେବ ବିଶାଳ ସାଇକେଲ ରାଲି। ଆନନ୍ଦ ଭବନରୁ ଶଙ୍ଖଭବନ ଯାଏ କରାଯିବ ସାଇକେଲ ରାଲି। ଏହି ସାଇକେଲ ରାଲିରେ ସମସ୍ତେ ସାମିଲ ହେବାକୁ ଆହ୍ୱାନ ଦେଇଛନ୍ତି ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ଏହାସହ ରକ୍ତ ରକ୍ତଦାନ ଶିବିର ମଧ୍ୟ ଅନୁଷ୍ଠିତ ହେବ।

ଅପରପକ୍ଷେ ଯାଜପୁର ଜିଲ୍ଲା ବଡ଼ଚଣା ବିଜେଡି ପକ୍ଷରୁ ବାଲିଚନ୍ଦ୍ରପୁରରେ ଦୁଇ ଦିନିଆ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ପ୍ରଶିକ୍ଷଣ ଶିବିରକୁ ଆନୁଷ୍ଠାନିକ ଭାବେ ବଡ଼ଚଣା ବିଧାୟକ ଅମର ପ୍ରସାଦ ଶତପଥି ଉଦଘାଟନ କରିଥିଲେ। ବଡ଼ଚଣା ନିର୍ବାଚନ ମଣ୍ଡଳୀର ୫ଟି ଜୋନକୁ ନେଇ ଦୁଇ ଦିନ ଧରି ଏହି ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା।

ପ୍ରଶିକ୍ଷଣ ଶିବିରରେ ବଡ଼ଚଣା ବିଜେଡିର ସମସ୍ତ କର୍ମକର୍ତା ଯୋଗ ଦେଇଥିଲେ । ଦୁଇ ଜଣ ପ୍ରଶିକ୍ଷକ ବିଜେଡି କର୍ମକର୍ତାଙ୍କୁ ପ୍ରଶିକ୍ଷଣ ଦେଇଥିଲେ । ଆଗାମୀ ଦିନରେ ସରକାରଙ୍କ ଲୋକାଭିମୁଖୀ କାର୍ଯ୍ୟକୁ ଘରେ ଘରେ ପହଞ୍ଚାଇବା ଓ ତୃଣମୂଳ ସ୍ତରରେ ଦଳକୁ କିପରି ମଜବୁତ କରାଯିବ ସେନେଇ ପ୍ରଶିକ୍ଷଣ ଦିଆଯାଇଛି।