ବରଗଡ଼ : ଚାଷୀଙ୍କ ହକ୍ ଓ ଅଧିକାରକୁ ନେଇ ଆଜି ବରଗଡ଼ରେ ବିଜେଡିର ବଡ଼ ଧରଣର ଚାଷୀ ସମାବେଶ। ଓଡ଼ିଶାର ଭାତହାଣ୍ଡିରେ ଗର୍ଜିବେ ହଜାର ହଜାର ଚାଷୀ। ଚଳିତ ଖରିଫ୍ ଋତୁରେ ଚାଷୀଙ୍କ ଧାନ କାର୍ଡ ପଞ୍ଜିକରଣ ନିୟମକୁ ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ଥିବା ବେଳେ ଡବଲ ଇଞ୍ଜିନ ସରକାର ଉପରେ କ୍ଷୁବ୍ଧ ଅଛନ୍ତି ଅନ୍ନଦାତା। ୮୦୦ ଟଙ୍କା ଇନପୁଟ ସହାୟତାରୁ ବଞ୍ଚିତ କରିବା ପାଇଁ ରାଜ୍ୟ ସରକାର ଚକ୍ରାନ୍ତ କରିଥିବା ଅଭିଯୋଗ ହୋଇଛି।
ନିର୍ବାଚନ ସମୟରେ ବିଜେପି ଦେଇଥିବା ପ୍ରତିଶ୍ରୁତି ପାଣିର ଗାର ବୋଲି ଅଭିଯୋଗ ଉଠୁଛି। ରାଜ୍ୟରେ ଜୁମଲା ସରକାର ଚାଲିଥିବା ଓ ଚାଷୀଙ୍କ ପାଇଁ ଏମାନଙ୍କ ଦରଦ ନ ଥିବା କହି କଡ଼ା ସମାଲୋଚନା କରିଆସୁଛନ୍ତି ବିରୋଧୀ। ବରଗଡ଼ରେ ଆୟୋଜିତ ରାଲି ଓ ବିକ୍ଷୋଭରେ ବିଜେଡିର ବହୁ ବରିଷ୍ଠ ନେତା ସାମିଲ ହେବେ।
