ଆନ୍ଦୋଳନରତ ମିଶନ ଶକ୍ତି ମହିଳାଙ୍କ ପାଖରେ ପହଞ୍ଚିଲା ବିଜେଡି ଟିମ୍

ନନ୍ଦିଘୋଷ ବ୍ୟୁରୋ: ମୁଣ୍ଡ ଫଟା ଖରାରେ ବସିଥିବା ମିଶନ ଶକ୍ତି ମହିଳା ମାନଙ୍କ ପାଖରେ ପହଞ୍ଚିଲା ବିଜେଡି ବିଧାୟକ ଦଳ ଟିମ୍ । ବିଜେଡି ଟିମରେ ବିଧାୟକ ରଣେନ୍ଦ୍ର ପ୍ରତାପ ସ୍ଵାଇଁ, ଅରୁଣ ସାହୁ, ରମେଶ ଚନ୍ଦ୍ର ବେହେରା, ସ୍ୱଭିକ ବିଶ୍ଵାଳ, ପ୍ରଦୀପ କୁମାର ସାହୁ ପ୍ରମୁଖ ଆନ୍ଦୋଳନସ୍ଥଳରେ ପହଞ୍ଚିଥିଲେ । ଆନ୍ଦୋଳନରତ ଇ.ସି ମେମ୍ବର ମହିଳା ମାନଙ୍କ ପାଇଁ ବିଧାନସଭାରେ ସ୍ଵର ପାଲଟିବେ ବୋଲି ବିଜେଡିର ବରିଷ୍ଠ ବିଧାୟକ ରଣେନ୍ଦ୍ର ପ୍ରତାପ ସ୍ଵାଇଁ କହିଛନ୍ତି l ସ୍ଥାୟୀ ନିଯୁକ୍ତି ଦାବି କରି ୬ ଦିନ ଧରି ହଜାର ହଜାର ସଂଖ୍ୟାରେ ମିଶନ ଶକ୍ତି ମହିଳା ସରକାରଙ୍କ ବିରୁଦ୍ଧରେ ଆନ୍ଦୋଳନ କରୁଛନ୍ତି । ବିଧାନସଭା ଆଗରେ ଆନ୍ଦୋଳନ କରୁଥିବା ବେଳେ ଏପର୍ଯ୍ୟନ୍ତ ସରକାର ଶୁଣିଲେ ନାହିଁ ବୋଲି ଅଭିଯୋଗ କରିଛି ସଂଘ ।