କେନ୍ଦ୍ରର ମିଥ୍ୟା ପ୍ରତିଶ୍ରୁତି ନେଇ ଗର୍ଜିଲା ବିଜେଡି; ଭୁବନେଶ୍ୱର ରେଳ ଷ୍ଟେସନ କେବେ ହେବ ବିଶ୍ୱସ୍ତରୀୟ ?

ଭୁବନେଶ୍ୱର: କେନ୍ଦ୍ରର ମିଥ୍ୟା ପ୍ରତିଶ୍ରୁତି ନେଇ ଗର୍ଜିଲା ବିଜେଡି । ନିର୍ବାଚନ ଆସିଲେ କେନ୍ଦ୍ରମନ୍ତ୍ରୀ ଆସି ଲମ୍ବା ଲମ୍ବା ପ୍ରତିଶ୍ରୁତି ଦେବେ । ହେଲେ ନିର୍ବାଚନ ସରିଗଲେ ସବୁ ଭୁଲି ଯାଆନ୍ତି କେନ୍ଦ୍ରମନ୍ତ୍ରୀ । ଭୁବନେଶ୍ୱର ରେଳଷ୍ଟେସନକୁ ମଡେଲେ ଷ୍ଟେସନ କରିବା କଥା ଧୂଆଁବାଣ ପାଲଟିଛି । ୨୦୧୬ରେ କହିଥିଲେ ଭୁବନେଶ୍ୱରକୁ ମଡେଲ ଷ୍ଟେସନ କରିବେ । ହେଲେ ଆଜି ପର୍ଯ୍ୟନ୍ତ ଏଦିଗରେ କୌଣସି ପଦକ୍ଷେପ କାହିଁକି ଆରମ୍ଭ ହୋଇନି ବୋଲି ବିଜେଡି ପ୍ରଶ୍ନ କରିଛି । ବଡ଼ ବଡ଼ ପ୍ରତିଶ୍ରୁତି ଦେବାରେ କେନ୍ଦ୍ରମନ୍ତ୍ରୀ ସିଦ୍ଧହସ୍ତ ।

କେନ୍ଦ୍ରର ବିଜେପି ସରକାରରେ ଓଡ଼ିଶାର କିଛି ଲାଭ ନାହିଁ । ବିଜେପିକୁ ଓଡ଼ିଶାବାସୀ ଉଚିତ ଜବାବ ଦେଇଛନ୍ତି । ଆଗାମୀ ଦିନରେ ମଧ୍ୟ ଉଚିତ ଜବାବ ଦେବେ ବୋଲି କହିଛି ବିଜେଡି । ଓଡ଼ିଶାବାସୀ ଜଗନ୍ନାଥପ୍ରେମୀ କିନ୍ତୁ ବୋକା ନୁହଁନ୍ତି । ୨୦୧୪ ଓ ୨୦୧୯ରେ ଦେଇଥିବା ପ୍ରତିଶ୍ରୁତି କୁଆଡେ ଗଲା ବୋଲି ପ୍ରଶ୍ନ କରିଛି ବିଜେଡି । ବାରମ୍ବାର ଓଡ଼ିଶାବାସୀଙ୍କୁ ଭୂଆଁ ବୁଲାଇଲେ ଜଗନ୍ନାଥ ବି କ୍ଷମା ଦେବନି । ପ୍ରତିବର୍ଷ ୨୫ହଜାର କୋଟି ରାଜସ୍ୱ ନେଉଛି ରେଳ ମନ୍ତ୍ରାଳୟ । ଓଡ଼ିଶାକୁ ବର୍ଷକୁ ଦେଉଛି ମାତ୍ର ୨ହଜାର କୋଟି । ମୋବାଇଲ ରିଚାର୍ଜ, ଖଣି ରିଅଲିଟି, ଆୟକର ।

ଓଡ଼ିଶାର ହକର ପଇସା ଓଡ଼ିଶା ପାଇପାରୁନି । କେନ୍ଦ୍ରର ଏ ଅତ୍ୟାଚାର ବଢ଼ିଚାଲିଲେ ତୀବ୍ର ଆନ୍ଦୋଳନ ହେବ । କେନ୍ଦ୍ର ସରକାରର ଖାଲି ବଡ଼ ବଡ଼ କଥା, କାମରେ ଶୂନ । କେନ୍ଦ୍ର ଖାଲି କଥା କୁହେ, କାମରେ ବିଗ୍ ଜିରୋ । ପଦମପୁରବାସୀ ଖୋଜୁଛନ୍ତି କୁଆଡେ ଗଲା ରେଳଲାଇନ । ୨୦୧୬ରେ ୧୧ଷ୍ଟେସନକୁ ବିକଶିତ କରିବା କହିଥିଲେ କେନ୍ଦ୍ର ସରକାର । ହେଲେ ଏ ଦିଗରେ କିଛି ବି କାର୍ଯ୍ୟ ହୋଇନି । ବିଜେପି ଦଳ କେବଳ ମିଛ କହି ଲୋକଙ୍କୁ ଭୂଆଁ ବୁଲାଇବାକୁ ଚେଷ୍ଟା କରୁଛି । ସାଧାରଣ ଜନତା ଏବେ ବିଜେପିକୁ ଉଚିତ ଜବାବ ଦେବେ ବୋଲି କହିଛି ବିଜେଡି ।