ଆସନ୍ତାକାଲିଠାରୁ ବିଜେପୁରରେ ପ୍ରଚାର କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଆଉ ଦିନ କେଇଟା ପରେ ବିଜେପୁର ଉପ ନିର୍ବାଚନ । ସବୁ ରାଜନୀତିକ ଦଳ ସେମାନଙ୍କର ପ୍ରଚାରକୁ ଜୋରଦାର କଲେଣି । ଭୋଟ୍‌ ହାତେଇବାକୁ ରିତିମତ ପ୍ରୟାସ କରୁଛନ୍ତି ସବୁ ଦଳ । ୨୦୧୮ ଉପ ନିର୍ବାଚନ ଓ ୨୦୧୯ ସାଧାରଣ ନିର୍ବାଚନରେ ବିଜେଡି ଏଠାରୁ ଖୁବ୍‌ ଅଧିକ ଭୋଟରେ ବିଜୟୀ ହୋଇଥିଲା । ବିଜେଡି ପୂର୍ବତନ ବିଧାୟିକା ରୀତା ସାହୁଙ୍କୁ ପୁଣିଥରେ ପ୍ରାର୍ଥୀ କରିଥିବା ବେଳେ ବିଜେପି ସନତ ଗଡତିଆଙ୍କୁ ସାମ୍ନାକୁ ଆଣିଛି । କଂଗ୍ରେସ ଦିଲ୍ଲୀପ ପଣ୍ଡାଙ୍କ ଉପରେ ଭରସା କରିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସନ୍ତାକାଲିଠାରୁ ୨ ଦିନିଆ ବିଜେପୁର ଗସ୍ତରେ ଯାଉଛନ୍ତି । ସେ ସେଠାରେ ୨ ଦିନ ଧରି ରୀତାଙ୍କ ପାଇଁ ପ୍ରଚାର କରିବେ । ରୋଡ୍‌ ସୋ, ସଭା, ଶୋଭାଯାତ୍ରାରେ ଉଦବୋଧନ ଦେଇ ବିଜେଡି ପାଇଁ ଭୋଟ୍‌ ଭିକ୍ଷା କରିବେ ନବୀନ। ବିଜେପୁର, ଗାଇସିଲଟ, ବରପାଲି ଅଞ୍ଚଳରେ ନବୀନ ରୀତାଙ୍କ ପାଇଁ ପ୍ରଚାର କରିବେ। ')}