ଅସହାୟ ଲୋକଙ୍କୁ ଖାଦ୍ୟ ପୁଡ଼ିଆ ବାଣ୍ଟିଲେ ବିଜୁ ଛାତ୍ର ନେତା
ଭୁବନେଶ୍ୱର: କରୋନା ସମୟରେ ଅସହାୟ ଲୋକଙ୍କୁ ସହାୟତାର ହାତ ବଢାଇଛନ୍ତି ବିଜୁ ଛାତ୍ର ନେତା । ଅସହାୟ ଲୋକଙ୍କୁ ବାଣ୍ଟିଛନ୍ତି ୩୦୦ ଖାଦ୍ୟ ପୁଡ଼ିଆ ।
ସୂଚନା ଅନୁଯାୟୀ, କରୋନା କାଳରେ ସାଧାରଣ ଲୋକଙ୍କ ଜୀବିକା ପ୍ରଭାବିତ ହୋଇଛି । ଦିନ ମଜୁରିଆ ବେଶୀ ପ୍ରଭାବିତ ହୋଇଛନ୍ତି। ଏନେଇ ମୁଖ୍ୟମନ୍ତ୍ରୀଙ୍କ ଆଦର୍ଶରେ ଅନୁପ୍ରାଣିତ ହୋଇ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀଙ୍କର ନିର୍ଦ୍ଦେଶରେ ଖଇରା ବ୍ଲକର ବିଜୁ ଛାତ୍ର ଜନତା ଦଳ ପକ୍ଷରୁ ଅସହାୟଙ୍କୁ ଖାଦ୍ୟ ବଣ୍ଟନ କରାଯାଇଛି।
ଏଥିସହିତ ସଭାପତି ମାନସ କୁମାର ଦାସଙ୍କ ନିଜସ୍ୱ ସ୍ୱଳ୍ପ ରୋଜଗାରରେ କୁରୁଣ୍ଟା ପଞ୍ଚାୟତରେ ୩୦୦ରୁ ଅଧିକ ଦିନମଜୁରିଆଙ୍କ ଘରକୁ ଯାଇ ଶୁଖିଲା ଖାଦ୍ୟ ଦେବା ସହିତ ମାସ୍କ ବଣ୍ଟନ ଓ କରୋନା ସଚେତନତା ପାଇଁ ପରାମର୍ଶ ଦିଆଯାଇଛି। ଜଣେ ଯୁବକର ଏଭଳି କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି। ଏଭଳି କାର୍ଯ୍ୟ ପାଇଁ ଲୋକମାନେ ପର୍ଯ୍ୟଟନ ମନ୍ତ୍ରୀ ଓ ସଭାପତି ମାନସକୁ ଆର୍ଶୀବାଦ ଦେଇଥିବା ଜଣାପଡିଛି । ଏଥିରେ ପଞ୍ଚାୟତରେ ଯୁବକ ମାନେ ସହଯୋଗ କରିଥିଲେ।
