ଭୁବନେଶ୍ବର : ରାଜ୍ୟରେ ନାରୀ ନିର୍ଯାତନା, ନାରୀଙ୍କ ବିରୋଧରେ ହିଂସା ପ୍ରତିବାଦରେ ବିଜେଡିର ଆନ୍ଦୋଳନ। ଆରଡିସି ଅଫିସ ଘେରାଉ କରିଛି ବିଜେଡି। ବିଶେଷ କରି ମାତ୍ର ଏକ ସପ୍ତାହ ଭିତରେ ଦୁଇ ଦୁଇଟି ଘଟଣା ସାରା ରାଜ୍ୟକୁ ସ୍ତବ୍ଧ କରି ଦେଇଛି। ପ୍ରଥମେ ବାଲେଶ୍ଵର FM ଛାତ୍ରୀଙ୍କ ଆତ୍ମହତ୍ୟା, ଦ୍ଵିତୀୟରେ ବଳଙ୍ଗାରେ ନାବାଳିକାକୁ ପୋଡି଼ ମାରି ଦେବାର ଉଦ୍ୟମ। ଏହି ଦୁଇଟି ଘଟଣା ଛାତି ଧରାଇ ଦେଇଛି। ରାଜ୍ୟରେ ଆଇନ ଶୃଙ୍ଖଳା ବିଗିଡ଼ି ଯାଇଥିବାର ଅଭିଯୋଗ କରି ଆଜି ସମସ୍ତ ଆରଡିସି ଅଫିସ ଘେରାଉ କରିଛି ବିଜେଡି । କଟକ, ସମ୍ବଲପୁର ଓ ବ୍ରହ୍ମପୁରରେ ଥିବା ଆରଡିସି ଅଫିସ ଆଗରେ ଆନ୍ଦୋଳନ କରି ବିଜେଡି ଧାରଣା ଦେଇଛି।
