ରାଜଭବନ ପାଲଟିଛି ରାଜନୈତିକ ଆଡ୍ଡାସ୍ଥଳୀ : ବିଜେଡି

ନନ୍ଦିଘୋଷ ବ୍ୟୁରୋ: ଶଙ୍ଖ ଭବନରେ ବିଜେଡିର ପ୍ରେସମିଟ୍ । ରାଜ୍ୟପାଳଙ୍କ ପୁଅ ଏସଏଓଙ୍କୁ ମାଡ଼ ମାଡ଼ିବା ଘଟଣା ଏତେଦିନ ବିତି ଯାଇଥିବାବେଳେ କାର୍ଯ୍ୟାନୁଷ୍ଠାନ ହୋଇନାହିଁ । ଏହାସହ ଆଗକୁ ଝାଡ଼ଖଣ୍ଡ ନିର୍ବାଚନ ହେବାକୁ ଥିବାବେଳେ ଓଡ଼ିଶାର ରାଜ୍ୟପାଳ ରଘୁବର ମୁଖ୍ୟମନ୍ତ୍ରୀ ହେବେ ବୋଲି ଚର୍ଚ୍ଚା ହେଉଛି । ତେବେ ବାହାର ନେତାମାନେ ବ୍ୟକ୍ତିଗତ କାମରେ ଆସି ରାଜଭବନରେ ରହୁଛନ୍ତି । ରାଜନୀତିରୁ ବହୁ ଉର୍ଦ୍ଧ୍ଵରେ ରାଜ୍ୟପାଳ ଓ ରାଜଭବନ । ରାଜଭବନ ଏବେ ରାଜନୈତିକ ଆଡ୍ଡାସ୍ଥଳୀ ପାଲଟିଛି ।

ଏହାସହ ମନମୋହନ ସାମଲ ଦେଇଥିବା ଏକ ପ୍ରତିକ୍ରିୟାକୁ ନେଇ ମଧ୍ୟ ବର୍ଷିଛି ବିଜେଡି । ବିଜେଡିର ବହୁ ନେତା ଲିଙ୍କରେ ଥିବା ନେଇ ଦେଇଥିବା ପ୍ରତିକ୍ରିୟାକୁ ନେଇ ବିଜେଡି କଡ଼ା ସମାଲୋଚନା କରିଛି । ବିଜେଡି ମୁଖପାତ୍ର ଲେନିନ ମହାନ୍ତି କହିଛନ୍ତି କି, ଜଣେ କି ଦୁଇଜଣ ସାଂସଦଙ୍କୁ ପ୍ରଲୋଭନ ଦେଖାଇ ଦଳରେ ମିଶାଇ ଦେଇଛ । ଗଣତନ୍ତ୍ରରେ କଣ କିଣାବିକା ଶସ୍ତା ହୋଇ ଗଲାଣି କି ବୋଲି ପ୍ରଶ୍ନ ମଧ୍ୟ କରିଛନ୍ତି । ଏହାସହ ମନମୋହନଙ୍କୁ କହିଛନ୍ତି କି, ସେ ଝାମ୍ପିବାକୁ ଭଲ ପାଆନ୍ତି । ଏଥିପାଇଁ ଅନ୍ୟ ଦଳର ନେତାଙ୍କୁ ନିଜ ଦଳରେ ମିଶାଉଛନ୍ତି ।