ଦେବଗଡ଼ ବିଧାୟକ ସୁବାସ ପାଣିଗ୍ରାହୀଙ୍କ ଗୁଣ୍ଡାଗିରିକୁ ନେଇ ବର୍ଷିଲା ବିଜେଡି

ଭୁବନେଶ୍ବର : ଦେବଗଡ ବିଧାୟକ ସୁବାସ ପାଣିଗ୍ରାହୀଙ୍କ ଗୁଣ୍ଡାଗିରିକୁ ନେଇ ବର୍ଷିଲା ବିଜେଡି। ଏସଏଚଜି ମା’ମାନେ ନିର୍ମାଣ କରିଥିବା ପାଚେରି ଭାଙ୍ଗିବା ଘଟଣାକୁ ନିନ୍ଦା କରିଛି । ଗତକାଲି ବିଧାୟକଙ୍କ ଉପସ୍ଥିତିରେ ତାଙ୍କ ସମର୍ଥକମାନେ ପାଚେରି ଭାଙ୍ଗିଥିଲେ । ବିଜେପି କର୍ମୀ ସେଠାରେ ପହଞ୍ଚି ଶାବଳ, ଗଇଁତି ଧରି ପାଚେରି ଭାଙ୍ଗିଥିଲେ। ମାଆମାନେ ଗୁହାରି କରିଥିଲେ ବି ଶୁଣିନଥିଲେ । ମାଆଙ୍କୁ ଅସମ୍ମାନ ସହ ସହର ବିକାଶରେ ବାଧା ବିଧାୟକ ଦେଉଛନ୍ତି।

ଘଟଣା ନେଇ ପୌରପାଳିକା ଓ ଏସଏଚଜି ପକ୍ଷରୁ ଥାନାରେ ଅଭିଯୋଗ ହୋଇଛି। ପୂର୍ବରୁ ମଧ୍ୟ ଏକାଧିକ ମାମଲାରେ ସଂପୃକ୍ତ ରହିଛନ୍ତି ବିଧାୟକ ସୁବାସ ପାଣିଗ୍ରାହୀ। ଗତବର୍ଷ ଜଣେ ବିଡିଓଙ୍କୁ ମାଡ ମାରିବା ଘଟଣାରେ ଗିରଫ ହୋଇଥିଲେ। ମା’ମାନଙ୍କୁ ଭୁଲ ମାଗିବା ସହ ଘଟଣାରେ କାର୍ଯ୍ୟାନୁଷ୍ଠାନ ଦାବି କରିଛି ବିଜେଡି। ଗତକାଲି ଘଟଣାରେ ବିଧାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଏସଏଚଜି ମା’ମାନେ ଆଜି ବିକ୍ଷୋଭ କରୁଛନ୍ତି। ବିଧାୟକଙ୍କ ଏଭଳି ଆଚରଣ ପାଇଁ ଓଡିଶାର ମା’ମାନେ ଜବାବ ଦେବେ ବୋଲି ବିଜେଡି କହିଛି ।