ମାର୍ଚ୍ଚ ୫ରେ ବିଜୁ ଜୟନ୍ତୀ ସମାରୋହର ପ୍ରସ୍ତୁତି ସମ୍ପର୍କରେ ବିଜେଡିର ସାମ୍ବାଦିକ ସମ୍ମିଳନୀ
ନନ୍ଦିଘୋଷ ବ୍ୟୁରୋ: ଆସନ୍ତା ମାର୍ଚ୍ଚ ୫ ତାରିଖରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୧୦୯ତମ ଜୟନ୍ତୀ। ଏହି ଅବସରରେ ବିଜୁ ଜନତା ଦଳ ପକ୍ଷରୁ ବ୍ଯାପକ କାର୍ଯ୍ୟକ୍ରମ ଆୟୋଜନ ହେବ। ଶଙ୍ଖ ଭବନରେ କାର୍ଯ୍ୟକ୍ରମ ଆୟୋଜନ ସହ କ୍ଷେତ୍ରୀୟ ସ୍ତରରେ କାର୍ଯ୍ୟକ୍ରମ ହେବ। ପ୍ରତି ନିର୍ବାଚନମଣ୍ଡଳି, ବ୍ଲକ ଓ ପୌରାଞ୍ଚଳ ସ୍ତରରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ। ବିଜୁବାବୁଙ୍କ ନୀତି ଆଦର୍ଶକୁ ନେଇ ଆଲୋଚନା କାର୍ଯ୍ୟକ୍ରମ ଅନୁଷ୍ଠିତ ହେବ। ବିଜେଡିର ବିଭିନ୍ନ ଛାମୁଆ ସଂଗଠନ ପକ୍ଷରୁ ବିଭିନ୍ନ ସ୍ଥାନରେ କାର୍ଯ୍ୟକ୍ରମମାନ ଅନୁଷ୍ଠିତ ହେବ। ବିଜେଡିର ନେତୃବୃନ୍ଦ, ନିର୍ବାଚିତ ପ୍ରତିନିଧି ତଥା ଦଳର ଛାମୁଆ ସଂଗଠନ ବିଜୁ ଜୟନ୍ତୀ ସଭା ତଥା ଆଲୋଚନାଚକ୍ର କରିବେ। ମାର୍ଚ୍ଚ ୮ ତାରିଖରେ ଆନ୍ତର୍ଜାତିକ ମହିଳା ଦିବସ ପଡୁଥିବାରୁ ଏହି ଅବସରରେ ମଧ୍ୟ ବିଜେଡି ପକ୍ଷରୁ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେବ। ଆନ୍ତର୍ଜାତିକ ମହିଳା ଦିବସକୁ ବଡ଼ ଆକାରରେ ପାଳନ କରିବ ବିଜେଡି। ବିଜୁ ମହିଳା ଜନତା ଦଳ ପକ୍ଷରୁ ବିଭିନ୍ନ ନିର୍ବାଚନମଣ୍ଡଳୀ, ବ୍ଲକ, ପୋରାଞ୍ଚଳସ୍ତରରେ ପାଳନ କରାଯିବ।
ମହିଳାଙ୍କୁ ସଶକ୍ତ କରିବା ଦିଗରେ ବିଜେଡି ସରକାର ନେଇଥିବା ପଦକ୍ଷେପ ଓ ମହିଳା ବିକାଶ ଓ ବିଜେଡିର ଆଭିମୁଖ୍ୟ ସମ୍ପର୍କରେ ଆଲୋଚନା ହେବ। ଏଥିପାଇଁ ଶଙ୍ଖ ଭବନରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ମାର୍ଚ୍ଚ ୮ ରେ ଶଙ୍ଖ ଭବନରେ ମହିଳା ଦିବସ କାର୍ଯ୍ୟକ୍ରମ ହେବ। ବିଜୁବାବୁ ମହିଳାଙ୍କ ସମ୍ମାନ କଥା କହିଥିଲେ। ବିଜେଡି ସୁପ୍ରିମୋ ନବୀନ ପଟ୍ଟନାୟକ ମହିଳାଙ୍କୁ ଶୀର୍ଷରେ ପହଞ୍ଚାଇଛନ୍ତି। ସେମାନଙ୍କୁ ଆର୍ଥିକ ସମୃଦ୍ଧି ସହ ମାନସିକ ସମୃଦ୍ଧି ପାଇଁ ଅନେକ କାର୍ଯ୍ୟ କରାଯାଇଛି। ଏହି ଦିନ ଗର୍ବ ଓ ଗୌରବର ଦିନ। ମହିଳାଙ୍କ ଆର୍ଥିକ,ମାନସିକ ଓ ସାମାଜିକ ସୁଦୃଢ ଲାଗି ବିଜେଡି ଆଗକୁ କଣ କାର୍ଯ୍ୟ କରିବ ସେ ନେଇ ଆଲୋଚନା ହେବ।ବିଜେଡି ଯାହା କରିଥିଲା ତାହା କିଭଳି ଆଗକୁ ନିଆଯିବ ସେ ନେଇ ଯୋଜନା ପ୍ରସ୍ତୁତ ହେବ। ଆନ୍ତର୍ଜାତିକ ମହିଳା ଦିବସ ଅବସରରେ ବିଭିନ୍ନ ଉଦ୍ୟୋଗୀ, ଲେଖିକା ତଥା ବିଭିନ୍ନ ବର୍ଗର ପ୍ରତିଷ୍ଠିତ ମହିଳାଙ୍କୁ ସମ୍ବର୍ଦ୍ଧିତ କରାଯିବ।ମହିଳାମାନେ ଯେଭଳି ସଶକ୍ତ ହେଉଥିଲେ ମିଶନ ଶକ୍ତି ମାଧ୍ୟମରେ ଆଜିକାଲି କଣ ହେଉଛି ସେ ସମ୍ପର୍କରେ ଆଲୋଚନା ହେବ। ମହିଳା ମାନେ ନିଜର ଅଧିକାର ସମ୍ପର୍କରେ ଜାଣିବେ ଓ ସସକ୍ତ ହେବେ।
