ଭୁବନେଶ୍ୱର: ଓବିସିଙ୍କୁ ସରକାରୀ ଚାକିରିରେ ସଂରକ୍ଷଣ ଉଭୟ କେନ୍ଦ୍ର ସରକାର ଓ ରାଜ୍ୟ ସରକାରଙ୍କୁ କଡ଼ା ସମାଲୋଚନା କରିଛି ବିଜେଡି। ଏକ ପ୍ରେସମିଟରେ ଦଳ କହିଛି, ନବୀନ ପଟ୍ଟନାୟକ ସର୍ବଦା OBC ଙ୍କ ପାଇଁ ଲଢେଇ କରିଛନ୍ତି। ଜାତିଭିତ୍ତିକ ଜନଗଣନା ପାଇଁ ଦାବି କରିଛନ୍ତି। ହେଲେ କେନ୍ଦ୍ରର ନିଘା ନାହିଁ। ଓବିସିଙ୍କୁ ସଂରକ୍ଷଣ ମିଳୁନି। ସେମାନେ ଡାକ୍ତରୀ କି ଇଞ୍ଜିନିଅରିଂ ପଢିପାରୁ ନାହାନ୍ତି। ଚାକିରୀରେ ୧୧.୨୫% ସଂରକ୍ଷଣ ଅଛି, କିନ୍ତୁ ୨୭% ସଂରକ୍ଷଣ ମିଳିବା କଥା। କେନ୍ଦ୍ର ଓ ରାଜ୍ୟର ବିଜେପି ସରକାର OBC ଛାତ୍ରଛାତ୍ରୀଙ୍କ ଭବିଷ୍ୟତକୁ ଅନ୍ଧାର କରି ଦେଉଛନ୍ତି। ଶିକ୍ଷା ସଂରକ୍ଷଣ ଓ ଚାକିରୀ ସଂରକ୍ଷଣ ୨୭ ପ୍ରତିଶତ କରିବାକୁ ଦାବି କରିଛି ବିଜେଡି।
ଦଳ କହିଛି, ମୁଖ୍ୟମନ୍ତ୍ରୀ ନିଜକୁ ଜଗନ୍ନାଥ କହିବା ପରିବର୍ତ୍ତେ, ମାନବ ଭିତ୍ତିକ ସେବା ପାଇଁ ସଂରକ୍ଷଣ କରନ୍ତୁ। ନବୀନ ପଟ୍ଟନାୟକ ଏ ଦିଗରେ ଜଷ୍ଟିସ ରଘୁନାଥ ବିଶ୍ୱାଳଙ୍କ ଦ୍ୱାରା ସର୍ଭେ କରିଥିଲେ। ବିଜେପି ସରକାର ଏହାକୁ ପ୍ରକାଶ କରନ୍ତୁ ବୋଲି ଦାବି କରିଛି ବିଜେଡି। OBC ଙ୍କ ପାଇଁ ନବୀନ ପଟ୍ଟନାୟକଙ୍କ ନେତୃତ୍ୱରେ ଅନେକ କାର୍ଯ୍ୟକ୍ରମ ହୋଇଛି। ସାରା ଦେଶରେ ନବୀନ ପଟ୍ଟନାୟକ ଉଦାହରଣ ସୃଷ୍ଟି କରିଛନ୍ତି। କିନ୍ତୁ ଅନ୍ୟ ମୁଣ୍ଡରେ ଦୋଷ ଦେଇ ଯଦି ଖସିବାକୁ ଭାବୁଛି ବିଜେପି ସରକାର। ସରକାରକୁ ଆସିବା ପରେ ବିଜେପି କୁମ୍ଭୀର କାନ୍ଦଣା କାନ୍ଦୁଛି ବୋଲି ଅଭିଯୋଗ କରିଛି ବିଜେଡି।
