ବିଜେଡି ପକ୍ଷରୁ ‘ଜୀବନ ବିନ୍ଦୁ’ ଆୟୋଜିତ, ୮୬ ୟୁନିଟ ରକ୍ତ ସଂଗୃହୀତ

ଭୁବନେଶ୍ୱର: ଓଡ଼ିଶାରେ କରୋନା ମହାମାରୀ ସମୟରେ “ପ୍ରତିଟି ଜୀବନ ଆମ ପାଇଁ ମୂଲ୍ୟବାନ” ଯେଉଁ ବାର୍ତ୍ତା  ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକ ପ୍ରଦାନ କରିଥିଲେ ତାହାକୁ ଅନୁସରଣ କରିବା ସହିତ ସାମାଜିକ ଦାୟିତ୍ଵବୋଧକୁ ଦୃଷ୍ଟିରେ ରଖି ରକ୍ତ ଅଭାବ ଦୂରୀକରଣ ନିମନ୍ତେ  ଓଡ଼ିଶା ରାଜ୍ୟ ବିଜୁ ଯୁବ ଜନତା ଦଳ ଓ ଭୁବନେଶ୍ୱର ଜିଲ୍ଲା ବିଜୁ ଯୁବ ଜନତା ଦଳ ପକ୍ଷରୁ ବିଜେଡି ରାଜ୍ୟ ମୁଖ୍ୟ କାର୍ଯ୍ୟାଳୟ ଠାରେ ଓଡିଶା-ମୋ ପରିବାର ଆନୁକୁଲ୍ୟରେ ‘ଜୀବନ ବିନ୍ଦୁ’ ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଛି । ଏହି ଶିବିରକୁ ଭୁବନେଶ୍ୱର ଜିଲ୍ଲା ବିଜେଡ଼ି ଯୁବ ସଭାପତି ସମରେଶ ବେଉରା , ରାଜ୍ୟ ବରିଷ୍ଠ ଉପସଭାପତି  ଧୃତି ମାର୍ଥା, ଯୁବ ବିଜେଡ଼ି ଯୁଗ୍ମ ସମ୍ପାଦକ ଦୀପକ ମହାପାତ୍ର ଓ  ରାଜେଶ ଭୁଇଁଆ ଆୟୋଜନ କରିଥିଲେ।

ଏହି ରକ୍ତ ଦାନ ଶିବିରକୁ ମନ୍ତ୍ରୀ ତଥା ଭୁବନେଶ୍ୱର ଏକାମ୍ର ବିଧାୟକ  ଅଶୋକ ଚନ୍ଦ୍ର ପଣ୍ଡା ଓ ରାଜ୍ୟ ଯୁବ ବିଜେଡି ସଭାପତି ତଥା ଚାନ୍ଦବାଲି ବିଧାୟକ ଡ଼ ବ୍ୟୋମକେଶ ରାୟ ଉଦଘାଟନ କରିଥିଲେ । ଅନ୍ୟ ମୁଖ୍ୟ ଅତିଥି ମାନଙ୍କ ମଧ୍ୟରେ ବରିଷ୍ଠ ନେତା  ଦେବୀ ମିଶ୍ର,  ଅତନୁ ସବ୍ୟସାଚୀ ନାୟକ,  ପୁଷ୍ପେନ୍ଦ୍ର ସିଂଦେଓ , ପ୍ରତାପ ଦେବ,ରାଜ୍ୟ ସାଧାରଣ ସଂପାଦକ (ଯୁବ ବ୍ୟାପାର) ତଥା ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟ, ଭୁବନେଶ୍ୱର ମଧ୍ୟମ ବିଧାୟକ  ଅନନ୍ତ ନାରାୟଣ ଜେନା, ଭୁବନେଶ୍ୱର ଜିଲ୍ଲା ସଭାପତି ତଥା ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ କୁମର ରାଉତ ଓ ମୋ ପରିବାର ଅଧ୍ୟକ୍ଷ  ଅରୂପ ପଟ୍ଟନାୟକ ପ୍ରମୁଖ ଯୋଗଦେଇଥିଲେ ।

ଏଥିରେ ଯୁବ ବିଜେଡ଼ିର ଅନେକ ବରିଷ୍ଠ କାର୍ଯ୍ୟକର୍ତ୍ତା ଉପସ୍ଥିତ ରହିଥିଲେ  । ଯୁବ ବିଜେଡ଼ି ମହାସଚିବ  ଏଲିନା ଦାସ,  ଉପସଭାପତି ସୋଫିଆ ଆଲାମ, ରାଜ୍ୟ ସାଧାରଣ ସମ୍ପାଦକ ଆଶିଷ ମିଶ୍ର,  ତାରିଣୀ ପ୍ରାସାଦ ନାୟକ, ଶୁଭ୍ରଜିତ ପାଢ଼ୀ,  ଅଭିନଶ ପ୍ରଧାନ, ରାଜ୍ୟ ସମ୍ପାଦକ ଲଗ୍ନଦୀପା ମିଶ୍ର, ଯୁଗ୍ମ ସମ୍ପାଦକ ସୌମ୍ୟ ରଞ୍ଜନ ତ୍ରିପାଠୀ, ଅମର୍ଜିତ ଗଉଡ଼  , ଶିବନୀ ସାହୁ , ଜିଲ୍ଳା ଯୁବ ବିଜେଡ଼ି ସାଧାରଣ ସମ୍ପାଦକ କଳି ସିଂହ, ସମ୍ପାଦକ ବିଜୟ ଗୋଛୟତ, ରାଜେଶ ରାୟ ଓ ଭୁବନେଶ୍ୱର ଜିଲ୍ଲା ସୋସିଆଲ ମେଡ଼ିଆ ସଂଯୋଜକ ତଥା ଡିଜିଟାଲ ସମ୍ପାଦକ ରୋହିତ କୁମାର ପାତ୍ର ଯୋଗଦେଇଥିଲେ ।  ଏହି ଶିବିରରେ ଗୋଟିଏ ଦିନ ରେ ମୋଟ ୮୬ ୟୁନିଟ ରକ୍ତ ସଂଗୃହୀତ ହୋଇଥିଲା|